Agaricus

Agaricus;
Clasificación científica
Reinu:	Fungi
Filu:	Basidiomycota
Subfilu:	Agaricomycotina
Clas:	Agaricomycetes
Orde:	Agaricales
Familia:	Agaricaceae
Xéneru:	Agaricus; L.:Fr. emend Karst.
Especie tipu
	Agaricus campestris; L.:Fr.
Especie
	Ver testu
Consultes
	[editar datos en Wikidata]

Col nome de xampiñón denómase xenéricamente a les especies de fongos del xéneru Agaricus, de les cuales delles cultivense como comestibles, n'especial Agaricus bisporus, el xampiñón de París.

Les especies d'Agaricus presenten de vezu fructificaciones carnoses, mayoritariamente de tamañu mediu a grande; el sombreru ye hemisféricu nún entamu, depués convexu y a la fin más o menos achapláu o llixeramente deprimíu, de color blanquecín o pardu. El pie ye cilíndricu y tanto regular como engrosáu o atenuáu haza la bas; siempres porta un aniellu, más o menos desenrolláu, que pue ser persistente o caducu y se separta con facilidá de la carne del sombreru.

Les llámines (himenóforu) son llibres, ye dicir nun fixaes al pie, denses, de color muy pálidu al aniciu (blanquecín, buxaracáu o rosáu) depués con matices rosaos, seyan fuertes o débiles, y a la fin de color marrón-negru. La carne suel ser densa y firme, de color blanquecín pero en contautu col aire alquier tonalidaes roxines o mariellaes, n'ocasiones llixeres y n'otras bastante intenses.

El golor varía d'unes especies a otres, incluyendo los selemente acidulaos, con efluvios anisaos, con reminiscencies d'almendres amargues o francamente desagradable (cual fenol) en delles especies cuya carne mariellea. La suma de golor desagradable y mariellamientu de la carne desaconseya'l so consumu.

Seición: Agaricus
- Agaricus campestris
- Agaricus bisporus
- Agaricus bitorquis
Seición: Sanguinolenti
- Agaricus silvaticus
- Agaricus langei
Seición: Minores
- Agaricus semotus
- Agaricus comtulus
Seición: Arvenses
- Agaricus arvensis
- Agaricus silvicola
- Agaricus augustus
Seición: Xanthodermatei
- Agaricus xanthoderma
- Agaricus placomyces