Alcina

Wärkdaate
Originalditel:	Alcina
Form:	Opera seria
Originalsprooch:	Italiänisch
Muusig:	Georg Friedrich Händel
Libretto:	umbekannt, L'isola di Alcina (1728)
Literarischi Vorlaag:	Ludovico Ariosto, Orlando furioso (1516)
Uruffüerig:	16. April 1735
Ort vo dr Uruffüerig:	Theatre Royal, Covent Garden, London
Lengi vo dr Opere:	3 ¼ Stunde
Ort und Zit vo dr Handlig:	D Zauberinsle vo dr Alcina im Middelmeer, im letschte Driddel vom 8. Joorhundert
Persoone
Alcina, e Zaubere (Sopran) Ruggiero, e Ridder (Mezzosopran) Morgana, dr Alcina iiri Schwöster (Sopran) Bradamante, im Ruggiero si Brut, verchläidet as iire äignig Brueder „Ricciardo“ (Alt) Oronte, dr Generaal vo dr Alcina, dr Gliebti vo dr Morgana (Tenor) Melisso, dr Bradamante iire Verdraute (Bass) Oberto, dr Soon vom Paladin Astolfo, wo si Vater suecht (Sopran) Daame, Paasche, Dienerinne, jungi Ridder, Zauberwääse, Gäister us dr Underwält (Chor und Ballett)

*Rich‘s Glory or his Triumphant Entry into Covent-Garden*
Dr John Rich het 1732 s Covent-Garden-Theatre, wo grad erst baut worde isch, übernoo und het dört seer erfolgriichi Schauspiil und Pantomime, aber au d *Beggar’s Opera* ufgfüert. Sit 1735 si dört au im Händel sini Wärk zäigt worde.

Alcina (HWV 34) isch en Opere (Dramma per musica) in drei Akt vom Georg Friedrich Händel. Es isch si dritti Opere, wo uf em Ariost sim Orlando furioso basiert. Alcina isch noch Ariodante die zweiti Opere vom Händel gsi, won er nüm am King's Theatre am Haymarket het lo uffüere. Wie Ariodante isch au Alcina e Ballettopere, denn in Covent Garden isch im Händel d Ballett-Drubbe vo dr Marie Sallé zur Verfüegig gstande; si isch allerdings am Ändi vo dr Summersäsong 1735 abgräist.