Anabaena

Anabaena
Filament van Anabaena
Wetenskaplike klassifikasie
Domein:	Bakterieë
Filum:	Cyanobacteria
Klas:	Cyanophyceae
Orde:	Nostocales
Familie:	Nostocaceae
Genus:	Anabaena Bory ex Bornet & Flahault (1886)

Anabaena is 'n genus van sianobakterieë wat nes spesies van Aphantiomenon, Microcystis en heelparty ander blougroen alge swaar algebloei op die oppervlaktes van damme, mere en ander waterliggame kan vorm. Hierdie bloei verskyn meestal tydens warm weer en waar die waterliggaam eutrofies is. Gifstowwe wat deur hierdie organismes geproduseer word, is potensieel hepatotoksies, nefrotoksoïes en karsinogeen.^[1]

Anabaena is, naas Microcystis, die mees algemene genus met toksien-produserende stamme regoor die wêreld. Van die talle spesies wat in botaniese taksonomiese literatuur aangeteken is, is ten minste ses spesies se antagonistiese reaksies as gevolg van metaboliese produkte gedokumenteer. Die struktuur van die trigome is die hoofkenmerk wat die verskillende spesies van Anabaena kan onderskei. Die betrokke gifstowwe is beide peptiede en alkaloïede .^[2]

Anabaena-selle is filamentagtig met alleenstaande filamente en dit kom in vrye trosse of in makroskopiese matte voor. Selle is silindries, vatvormig of sferies. Hulle kan korter of langer wees as hulle breed is (2–10 μm in deursnee) en hulle is bleek- of helderblougroen tot olyfgroen.

Waterekstrakte van Anabaena sp. het antikankeraktiwiteit teen MCF-7-sellyne (borskanker) getoon.^[3]

Anabaena variabilis ATCC 29413 is 'n filamentagtige, heterosist-vormende sianobakteriespesie wat as 'n modelorganisme gedien het. Dit het 'n uitgebreide literatuur wat oor 40 jaar strek. Die stam het drie duidelike nitrogenases wat onder verskillende omgewingstoestande funksioneer. Dit is in staat tot foto-outotrofiese groei in die lig en ware heterotrofe groei in die donker, deur fruktose as beide koolstof- en energiebron te gebruik. Terwyl hierdie stam vir die eerste keer in 1964 in Mississippi geïsoleer is en Anabaena flos-aquae MSU A-37 genoem is, is dit filogeneties verwant aan sianobakterieë van die genus Nostoc. Die stam is 'n matige termofiel. Dit groei goe teen ongeveer 40° C. Die volledige genoomvolgorde van die stam is bepaal. Die stam is heterosist-vormend. Heterosiste, wat gespesialiseerde selle is wat 'n semi-reëlmatige patroon in die filament vorm, is die plekke waar stikstofbinding in die selle plaasvind wat in 'n suurstofryke omgewing gekweek word. ^[4]

1. ↑ Kimberley Gilbride (2014). Chapter Eight - Molecular Methods for the Detection of Waterborne Pathogens; In: Waterborne Pathogens. Academic Press. pp. 231–290. doi:10.1016/B978-0-444-59543-0.00008-6. ISBN 9780444595430. {{cite book}}: Onbekende parameter |editors= geïgnoreer (hulp)AS1-onderhoud: gebruik authors-parameter (link)
2. ↑ Olav M. Skulberg, Wayne W. Carmichael, Geoffrey A. Codd, Randi Skulberg (1993). CHAPTER 9 - Taxonomy of Toxic Cyanophyceae (Cyanobacteria); In: Algal Toxins in Seafood and Drinking Water. Academic Press. pp. 145–164. doi:10.1016/B978-0-08-091811-2.50014-9. ISBN 9780122479908. {{cite book}}: Onbekende parameter |editors= geïgnoreer (hulp)AS1-onderhoud: gebruik authors-parameter (link)
3. ↑ Hojun Lee, Stephen Depuydt, Soyeon Choi, Geonhee Kim, Youngdo Kim, Lalit K. Pandey, Donat-P. Häder, Taejun Han, Jihae Park (2021). Chapter 10 - Potential use of nuisance cyanobacteria as a source of anticancer agents; In: Natural Bioactive Compounds. Academic Press. pp. 203–231. doi:10.1016/B978-0-12-820655-3.00010-0. ISBN 9780128206553. {{cite book}}: Onbekende parameter |editors= geïgnoreer (hulp)AS1-onderhoud: gebruik authors-parameter (link)
4. ↑ Thiel T, Pratte BS, Zhong J, Goodwin L, Copeland A, Lucas S, Han C, Pitluck S, Land ML, Kyrpides NC, Woyke T (2014). "Complete genome sequence of Anabaena variabilis ATCC 29413". Stand Genomic Sci. 9 (3): 562–73. doi:10.4056/sigs.3899418.{{cite journal}}: AS1-onderhoud: gebruik authors-parameter (link)