Back أنكولي واتوسي Arabic انكولى واتوسى ARZ Watusi Czech Watussirind German Ankole-Watusi English Grandkorna bovo Esperanto Ankole-Watusi (raza bovina) Spanish Watusi French וטוסי HE Ankole-Watusi marha Hungarian
De Ankole-watusy is in koweras yn East-Afrika, dat ûntstien is út it krusen fan it Ald-Egyptyske kobist mei lange hoarnen en de Sebû. Sy hearre ta de Afrikaanske bultkij.
Fanâlds binne de fokkers fan de Watusy de Tûtsys út Rûanda en Boerûndy en de Ankole út Oeganda.
De Watusykobisten wiene dêr, en binne noch wol, ek betelmiddel; harren wearde wurdt heger nei gelang de lingte fan de hoarnen. De hoarnen kinne goed twa meter, mei in omfang fan 50 sm, wurde. It Guinness-book of Rekords stiet Lurch yn, in Watusyokse mei in hoarnomfang fan 95,25 sm (metten op 6 maaie 2003).
Watusykobisten wurde tradisjoneel net slachte; sy wurde meast molken en ierlitten. It bloed wurdt troch de molke dien en sa dronken.
It goed 5000 jier âlde koweras wurdt by de fok allinne op de grutte fan de hoarnen selektearre, dêrom kinne de bisten allerhanne kleuren hawwe en ek frijwat yn grutte ferskille.
De Ankole-Watusy komt wilens ek yn oare lannen foar as dy't boppe neamd binne.