Back Vestigingsgebied Afrikaans نطاق الاستيطان Arabic Zona d'Asentamientu AST Мяжа аселасці Byelorussian Мяжа аселасьці BE-X-OLD Линия на уседналост Bulgarian Demarcació jueva Catalan Zóna osídlení Czech Pâl gwladychiad Welsh Det jødiske bosættelsesområde i Zar-Rusland Danish
As Aasiidligsrayon (russ. Tscherta osedlosti / Черта оседлости; ängl. Pale of Settlement) wird s Gebiet im Weste cim Russische Kaiserriich bezäichnet, wo zwüschen em Ändi vom 18. und em Aafang vom 20. Joorhundert s Woon- und Arbetsrächt vo dr jüüdische Bevölkerig im öiropäische Däil vom Russische Riich beschränkt gsi isch. S Gebiet isch vorhär zum grösste Däil e Däil vo Poole-Litaue gsi und wo Poole däilt worde isch am Ändi vom 18. Joorhundert zu Russland choo.
Dr Aasiidligsrayon, wo vo dr Ostsee bis zum Schwarze Meer gange isch, het mee as e Million Kwadratkilometer umfasst und am Ändi vom 19. Joorhundert häi fast fümf Millioone Juude dört gläbt, wo knapp zwölf Brozänt vo dr Bevölkerig usgmacht häi. Noch em dütsche Überfall uf d Sowjetunion im Joor 1941 isch s Gebiet vom ehemoolige Aasiidligsrayon vo de Dütsche bsetzt worde. Die häi, understützt vo lokaale Hälfer fast die ganzi jüüdischi Bevölkerig ermordet.