Apartamentu

Apartamentu
vivienda (es)
Llocalización

Un apartamentu, tamién llamáu pisu ye una unidá de vivienda qu'entiende una o más habitaciones diseñaes p'apurrir instalaciones completes pa un individuu o una pequeña familia. La principal diferencia esistente ente esti tipu de viviendes y otres, como cases, cortixos, etc., son la superficie qu'ocupa, de normal menor que les anteriores, y el so posible usu, munches vegaes vacacional o temporal.

Un edificiu d'apartamentos ye una solución económica, que se realiza por aciu l'aprovechamientu de mancomún de zones de circulación, tanto verticales como horizontales. Tamién se verifica esta economía nes instalaciones complementaries d'agua, drenaxe y lluz llétrico. La estructura, con elementos comunes, supón otra economía. Puede tamién llograse meyor serviciu y economía, por aciu calderes, incinerador, etc. La solución coleutiva d'un edificiu d'apartamentos dexa tener otros elementos comunes, como cocheres, cuartos de serviciu, llavaderos, tendales, espacios pa xuegos de neños, etc.