Arjuna

Arjuna (Sanskerta: अर्जुन; Arjuna)^[1] adalah ngaran sa'urang tokoh protagonis dalam wiracarita Mahabharata. Sidin dipinanduwi sabagai sang Pandawa nang bungas, gagah wan ambakan urangnya. Sidin adalah putera Perabu Pandudewanata, raja di Hastinapura lawan Dewi Kunti atawa Dewi Prita, yaitu puteri Perabu Surasena, Raja Wangsa Yadawa di Mandura. Arjuna sabujurannya kawal sarantang saruntung lawan Kresna, yaitu awatara (panjelmaan) Bhatara Wisnu nang turun ka alam dunia gasan manyalamatakan dunia matan huwas-huwas kajahatan. Arjuna gin jua sabujurannya sa'ikung urang nang sawat manyaksi-yakan "ujut samasta" sang Kresna wayahnya sudah parak banar Bharatayuddha bakajadian. Sidin gin sudah jua manarima Bhagawadgita atawa "Nyanyian Urang Suci", yaitu pitua/papadahan suci nang dipadahi ulih Kresna ka lawan sidin kada lawas subalum Bharatayuddha bakajadian marganya sawayah itu Arjuna magun haja kada pati hakun (anggan) manuntung-ngakan kawajibannya nang sabuting itu.

1. ^ Mujiyat, Koko Sondari (1 Januari 2002). Album Wayang Kulit Banjar (dalam bahasa Indonesia). Indonesia: Proyek Pemanfaatan Kebudayaan, Direktorat Tradisi dan Kepercayaan, Deputi Bidang Pelestarian dan Pengembangan Budaya, Badan Pengembangan Kebudayaan dan Pariwisata; Direktorat Jenderal Kebudayaan.