Back Азиа Abkhazian Asia ACE Азие ADY Asië Afrikaans Asien ALS እስያ Amharic Asia AN Asia ANG Esia ANN एशिया ANP
| |||||
| Tipo | continente área continental e illas circundantes rexión xeográfica  | ||||
|---|---|---|---|---|---|
| Epónimo | Asia | ||||
| Parte de | Terra Ostfeste Eurafrasia Eurasia Afro-Asia (en)  | ||||
| Situado na entidade xeográfica | Hemisferio oriental | ||||
| Localización | |||||
| |||||
| Comparte fronteira con | Europa, oeste África | ||||
| Composto por | |||||
| Características | |||||
| Punto máis baixo | Mar Morto (−437 m ) | ||||
| Punto máis alto | Everest (8.848,86 m ) | ||||
| Superficie | 44.614.500 km² | ||||
 | |||||
.svg&lang=gl)
Asia (
pronunciación (axuda · info)) é o maior e máis poboado dos cinco continentes do planeta Terra localizado principalmente nos hemisferios norte e oriental. Abrangue un terzo das partes sólidas da superficie da Terra e é responsábel por albergar case tres quintos da poboación mundial. Limita ó norte a (Rusia) co océano Glaciar Ártico, ó leste co océano Pacífico e ó sur co océano Índico, ó oeste co mar Vermello, onde se xunta coa África pola canle de Suez. Tamén ó oeste limita co mar Exeo (Asia Menor), cordilleira do Cáucaso, mar Caspio, río Ural e os montes Urais. Ademais do territorio continental, tamén ten territorios insulares: as Kuriles, Sakhalin, as illas xaponesas, a illa de Formosa (Taiwán), as Filipinas, as Illas de Sonda, Sri Lanka e milleiros de illas menores. Cobre o 8,6% da superficie da Terra, o 29,4% sen contar os mares e nel habita máis do 60% da poboación mundial, uns 4.000 millóns de persoas.
Na división convencional de continentes, de orixe europea, Asia e Europa aparecen como dúas entidades diferentes por razóns culturais e históricas, mais en termos xeográficos, forman realmente un único continente, Eurasia. Tamén África está unida a Eurasia polo istmo de Suez polo que tamén se pode considerar Europa, Asia e África como un único supercontinente, Eurafrasia.
Dado o seu tamaño e diversidade, o concepto de Asia - un nome que remonta á antigüidade clásica - na realidade pode ter máis que ver coa xeografía humana que coa xeografía física.[1] Asia varía considerablemente entre e dentro das súas rexións con respecto aos grupos étnicos, as culturas, os ambientes, a economía, os lazos históricos e os sistemas de goberno.