Basel

Basel
Kaart	Wapen
	Vlag
Land	Switserland
Kanton	Basel
Koördinate	47°33′N 07°35′O / 47.550°N 7.583°O / 47.550; 7.583
Stigting	237/238
Oppervlakte:
- Totaal	23,85 vk km
Hoogte bo seevlak	260 m
Bevolking:
- Totaal (2020)	173 863
- Bevolkingsdigtheid	7 290/vk km
Tydsone	UTC +1 (MET)
- Somertyd	UTC +2 (MEST)
Burgemeester	Beat Jans (SPS/PSS)
Amptelike webwerf	Stadt Basel

Basel (Duits: Basel, [ˈbaːzl̩], luister (hulp·inligting); Frans: Bâle, [bɑl]; Italiaans: Basilea, [baziˈlɛːa]; Romansch: Basilea, [baziˈleːɐ], luister (hulp·inligting); Latyn: Basilia, luister (hulp·inligting); Engels: Basel of Basle; Nederlands: Bazel) is die derde grootse stad in Switserland naas Zürich en Genève met 'n bevolking van byna 174 000 (2020). Die drielandestad lê in die noordweste van die land, aan die grens met Duitsland (die stad Weil am Rhein) en Frankryk (die nedersettings Saint-Louis en Huningue). Die Rynrivier vloei deur die stad.^[1]

In die stad word 'n vorm van die Nederalemanniese Duitse dialek gepraat, die Baselduitse subdialek wat verwant is aan die nabygeleë Elsasser Duitse subdialek maar verder 'n taalenklawe vorm in die Hoogalemanniese Duitse dialekgebied.

In 1529 het die Reformasie ingang in Basel gevind. Later, in 1897, het Basel danksy die inisiatief van die Oostenrykse joernalis Theodor Herzl as gasheerstad van die eerste Sionistiese Wêreldkongres opgetree wat vir die stigting van 'n Joodse staat in Palestina gepleit het. Dit was een van die gasheerstede tydens die FIFA Sokker-Wêreldbekertoernooi in 1954.

1. ↑ HAT Taal-en-feitegids, Pearson, Desember 2013, ISBN 978-1-77578-243-8