Bauingenieurwesen

S Bauääscheniöörwääse isch en Ääscheniöörwüsseschaft, wo sich mit dr Konzepzioon, Blaanig, Konstrukzioon, Berächnig, Herstellig und em Bedriib vo Bauwärk vom Hooch-, Vercheers-, Dief- und Wasserbau usenandersetzt. In däm Zämmehang wärde au Frooge vom technische Umwältschutz behandlet, zum Bischbil Lärmschutz, Gwässer- und Boodeschutz und d Schaadstoffundersuechige, wo drzue ghööre.

D Bruefsbezäichnig isch Ääscheniöör bzw. Bauääscheniöör. S Studium vom Bauääscheniöörwääse an de Universidääte und Fachhoochschuele schliesst mit ere akademische Graduierig ab. Dr Grad isch „Diplom-Ingenieur”, abkürzt: „Dipl.-Ing.”, gsi, sit dr Umstellig vom Studiesüsteem wird er jetz vom Bätscheler- und Maastergraad im Ääscheniöörwääse abglööst.