Blink-182

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

blink-182
Nombre	{{{Nombre_de_naiximiento}}}
Embotada	{{{Alias}}}
Naixió	{{{Naiximiento}}}
Murió	{{{Muerte}}}
Información musical
Orichen	California, Estaus Unius
Estilo	Pop punk[1][2] Punk rock[3][4][5] Skate punk[6]
Ocupancia	{{{Ocupancia}}}
Instrumentos	{{{Instrumento}}}
Tiempo	1992 - 2005 2009 - ...
Discograficas	{{{Discografica}}}
Relacionau con	The Aquabats Box Car Racer Transplants +44 Angels And Airwaves Expensive Taste
Pachina web	blink182.com
Miembros
Thomas (Tom) Matthew Delonge Markus (Mark) Allan Hoppus Travis Landon Barker
Atros miembros
Scott Raynor

blink-182 (d'antis mas conoixitos como Blink) ye un grupo de pop punk d'o sud de California formata en 1992 por Tom DeLonge, Mark Hoppus y Scott Raynor (qui dimpués sería substituyiu por Travis Barker) en Poway, San Diego, California. Se les considera como os pioners d'a revolución pop-punk. O nombre d'a banda por un regular no leva mayusclas (blink-182).

Poco tiempo dimpués de quitar o suyo primer disco d'estudio, Cheshire Cat, la alavez dita «blink» habió d'adhibir o numero «-182» a o suyo nombre debito a que un grupo techno irlandesa se deciba ya "blink" y menazó con prencipiar accions legals. Dimpués d'o primer exito de blink-182 con Dude Ranch, o suyo segundo disco d'estudio, DeLonge y Hoppus decidioron forachitar a o suyo batería orichinal, Scott Raynor. As razons nunca no han estau esplanicatas oficialment por os dos primers, encara que Raynor ha dito en cuantas entrevistas que estió culpa d'o suyo alcolismo. Travis Barker, alavez batería de The Aquabats, reemplazó a Raynor y con él o grupo logró acceder a o mainstream y a o exito mundial con o suyo superventas Enema of the State, que apareixión en 1999 con a discografica MCA Records. En zaguerías de 2003, dimpués de cuantos ensayos con grupos paralelos y remors sobre a suya deseparación, quitoron o suyo zaguer disco d'estudio, auto titulato blink-182. Nomás dos anyos dimpués o grupo fació oficial a suya deseparación y surtioron, a la vegata, dos grupos d'ista división: Angels and Airwaves, liderato por DeLonge y +44, con Hoppus y Barker.

O 5 de febrero de 2009 s'anunció que o trío presentaría un premio en os premios Grammy, estando ista a primera vegata en 5 anyos que o grupo se presenta en un escenario. O 8 de febrero, estando presentadors d'o premio a millor grupo de rock, anuncioron a suya tornata, y actualment son gravando un nuevo disco previsto ta estar quitato, en primeras, en o verano de 2009, chunto con a suya chira promocional.^[7]

O grupo ye prou conoixito por o suyo humor satirico y escatolochico (conoixito en anglés como toilet humor). L'aparición d'o suyo primer disco en 1994, Cheshire Cat, coincidió con o exito d'a renaixencia d'o punk rock californiano y d'a salita en ixe mesmo anyo de discos clasicos d'o boom punk d'a costa ueste como Dookie, de Green Day; Smash, de The Offspring u Punk in Drublic, de NOFX. As influencias d'o grupo, seguntes os propios Hoppus y DeLonge fuoron NOFX, The Cure, Dinosaur Jr., The Descendents y Screeching Weasel.^[8] Con a plegata de Barker a la batería, a banda evolucionó enta una musica y unas parolas mas maduras, como se contrimostró en un d'os prochectos paralelos de DeLonge y Barker, Box Car Racer.

1. ↑ (en) Blink-182: Punk-rock Pedro Pans. CNN
2. ↑ (en) BLINK 182: PUNK ROCK POSTER BOYS. Chart Attack
3. ↑ (en) Drummerworld:Travis Barker. Drummerworld
4. ↑ (en) Blink-182. muchmusic.com
5. ↑ (en) Blink-182 Announce 'Indefinite Hiatus' As Breakup Rumors Swirl. MTV
6. ↑ (en) blink-182 > Overview. allmusic
7. ↑ (es) El punk-rock americano regresa con Blink-182. Europa Press
8. ↑ (en) Screeching Halt