Back كاليميرو Arabic Calimero Czech Calimero German Calimero English Calimero Spanish Kalimero Basque Calimero & ystävät Finnish Calimero (série télévisée d'animation) French קלימרו HE Calimero Croatian

Calimero

Calimero
Enghraifft o'r canlynolcyfres deledu Edit this on Wikidata
CrëwrToni Pagot Edit this on Wikidata
GwladYr Iseldiroedd, yr Eidal, Ffrainc, Japan Edit this on Wikidata
Dechreuwyd6 Ionawr 1972 Edit this on Wikidata
Genrecomedi Edit this on Wikidata
Hyd25 munud Edit this on Wikidata
Iaith wreiddiolIseldireg Edit this on Wikidata
Gwefanhttps://www.calimero.com/ Edit this on Wikidata
Tudalen Comin Ffeiliau perthnasol ar Gomin Wicimedia

Mae Calimero yn gyfres deledu animeiddiedig am gyw iâr anthropomorffig annwyl a direidus. Ef yw'r unig gyw du mewn teulu o ieir melyn. [1] Mae'n gwisgo hanner ei blisgyn wy megis cap ar ei ben. Ymddangosodd Calimero yn wreiddiol ar y sioe deledu Eidalaidd Carosello ar 14 Gorffennaf, 1963, ac yn fuan daeth yn eicon poblogaidd yn yr Eidal.

Crëwyd y cymeriadau gan y stiwdio animeiddio Organizzazione Pagot. Yn wreiddiol fel hysbysebion animeiddiedig ar gyfer cynhyrchion sebon Miralanza AVA a ddangoswyd ledled yr Eidal. Crewyr y prif gymeriad oedd Nino Pagot, Toni Pagot ac Ignazio Colnaghi . [2] Cafodd y cymeriad yr enw Calimero ar ôl eglwys San Calimero (Milan) lle priododd Nino Pagot.

Cafodd y cymeriadau hysbysebion Calimero eu trwyddedu yn Japan fel cyfres anime . Gwnaed y cyntaf gan Toei Animation ac roedd yn rhedeg o Hydref 15, 1972, i Fedi 30, 1975; gwnaed yr ail, gyda gosodiadau a chymeriadau newydd, ym 1992. Gyda'i gilydd, gwnaed 99 o benodau Japaneaidd (47 yng nghyfres Toei 1972, a 52 yng nghyfres Toei 1992). Mae'r gyfres yn bennaf yn cynnwys anturiaethau niferus Calimero a'i ffrindiau wrth iddynt ddatrys dirgelion a gwneud rhaglenni dogfen. Fodd bynnag, mae eu hanturiaethau fel arfer yn eu cael i dipyn o drafferth. Darlledwyd y gyfres gyntaf ar nifer o rwydweithiau Ewropeaidd fel TROS (Yr Iseldiroedd a Gwlad Belg), ZDF a RTL II (yr Almaen) a TVE (Sbaen). Prynodd STV a HTV Cymru'r hawliau Prydeinig i'r gyfres gyntaf[3], a chawsant eu trosleisio i'r Gymraeg a Gaeleg yr Alban. Roedd y fersiwn Cymraeg yn cael ei ddarlledu fel rhan o'r rhaglen i blant iau Miri Mawr.

Un o nodweddion amlycaf Calimero yw ei deimlad cyson o gael ei gamddeall gan eraill. Mewn ieithoedd eraill byddai hyn yn cael ei amlygu mewn ymadroddion fel "Does neb yn fy ngharu", "Nid yw'n deg!" , "Mae hyn yn anghyfiawnder!" neu "Dyw oedolion ddim yn fy neall i!" [4] Yn y Gymraeg ei gwyn yw "'S dim blas byw!".

Recordiodd Super Furry Animals can am Calimero ar eu albwm Mwng

  1. ↑ Crump, William D. (2019). Happy Holidays—Animated! A Worldwide Encyclopedia of Christmas, Hanukkah, Kwanzaa and New Year's Cartoons on Television and Film. McFarland & Co. t. 38. ISBN 9781476672939.
  2. ↑ McLean, Tom (January 27, 2014). "New 'Calimero' Series to Premiere on France's TF1".
  3. ↑ "Calimero". memorabilia.triptown.com. Cyrchwyd 2022-10-18.
  4. ↑ Roma, EL PERIÓDICO / (2011-12-15). "Muere uno de los autores de Calimero". elperiodico (yn Sbaeneg). Cyrchwyd 2022-10-18.

Developed by StudentB