Back Michelangelo Merisi da Caravaggio ALS Caravaggio AN كارافاجيو Arabic كارافاجيو ARZ Caravaggio AST Michelangelo Merisi da Caravaggio AVK Caravaggio Aymara Karavacco Azerbaijani Караваджо Bashkir Караваджа Byelorussian

Caravaggio

Hierdie artikel bevat nie ’n bronnelys nie, wat beteken dat die inhoud nie geverifieer kan word nie.
Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg.
Caravaggio
Geboortenaam Michelangelo Merisi of Amerighi
Gebore (1571-09-29)29 September 1571
Milaan, Lombardy
Sterf 18 Julie 1610 (op 38)
Porto Ercole, Toskane
Nasionaliteit Italiaans
Veld Skilder
Beweging Barok
Beskermhere Francesco Maria del Monte

Michelangelo Merisi of Amerighi da Caravaggio (Italiaanse uitspraak: [kara’vaddʒo]; moontlik van 29 September 1571- 18 Julie 1610) was 'n Italiaanse kunstenaar wat tussen 1592 en 1610 in Rome, Napels, Malta en Sisilië aktief was. Sy skilderye, wat 'n realistiese waarneming van die menslike toestand is, beide fisies en emosioneel met 'n dramatiese gebruik van beligting, het 'n groot invloed op die Barokskilderstyl gehad.

Caravaggio is opgelei as 'n skilder in Milaan onder Simone Peterzano wat weer opgelei is deur Titiaan. In sy twintiger jare het Caravaggio na Rome verskuif. Hy het 'n groot invloed op Rembrandt gehad.

Wat Caravaggio uniek gemaak het was 'n radikale naturalisme, ‘n kombinasie van direkte fisiese waarneming met 'n dramatiese, selfs teatrale, gebruik van kontras. Dit het bekend geword as Tenebrisme, die verskuiwing van lig na donker met min skakerings tussenin. Hy het in 1600 op die Roomse kunstoneel verskyn met die sukses van sy eerste openbare kommissies, “Die marteling van Matteus” en “Die roeping van Matteus”. Daarna het hy nooit 'n tekort aan kommissies of beskermhere gehad nie, maar hy het sy sukses swak hanteer. Hy is op verskeie geleenthede tronk toe gestuur, het sy eie woonstel gevandaliseer en uiteindelik het die Pous 'n lasbrief vir hom uitgereik.

Ten spyte van sy roem terwyl hy geleef het, is Caravaggio byna onmiddellik na sy dood vergeet en dit was eers in die 20ste eeu dat sy belang vir die ontwikkeling van die Westerse kuns herontdek is.

Developed by StudentB