Castlevania

Castlevania (en xaponés: キャッスルヴァニア) ye una serie de videoxuegos, creada y desenvuelta por Konami. Esta serie debutó en Xapón cola primer versión de Akumajō Dracula (en xaponés: 悪魔城ドラキュラ (Akumajō Dorakyura)) pa les plataformes Famicom Disk System (FDS) y un mes dempués para MSX 2 en 1986. Anque la versión de MSX 2 (que foi conocida n'Europa como Vampire Killer) foi la primer versión sacada a la venta fora de Xapón, esta nun foi la versión orixinal. N'América nun se conoció hasta que la versión FDS foi reprogramada en formatu de cartuchu pa NES en 1987, sol títulu de Castlevania. Esto llevó munches vegaes al tracamundiu sobre en qué plataforma salió primero, tando claru que foi en Famicom Disk System. El títulu Castlevania ye un amiestu de les pallabres Castle ("Castillo" n'inglés) y Transilvania (llugar onde comúnmente trescurre l'argumentu de los xuegos). Tamién ye'l nome del castiellu del conde Drácula nos videoxuegos de la serie. En febreru de 2017 la plataforma de streaming Netflix, anuncia la producción d'una serie d'estilu anime, basada en Castlevania III: Dracula's Curse, producida por Adi Shakar. En mayu del mesmu añu amuésase'l primer tráiler y confírmase l'estrenu de la primer temporada pa 7 de xunetu de 2017 y de la segunda pa 2018.