Charlottenburg

Charlottenburg, yr Almaen

Math	locality of Berlin
Enwyd ar ôl	Sophie Charlotte o Hannover
Poblogaeth	124,555
Sefydlwyd	1705
Daearyddiaeth
Sir	Charlottenburg-Wilmersdorf
Gwlad	Yr Almaen
Arwynebedd	10.6 km²
Uwch y môr	46 metr
Yn ffinio gyda	Charlottenburg-Nord, Tiergarten, Moabit, Berlin-Wilmersdorf, Schöneberg, Halensee, Westend, Hansa quarter
Cyfesurynnau	52.5167°N 13.3°E
Cod post	10585, 10587, 10589, 10623, 10625, 10627, 10629, 14052, 14055, 14057, 14059
Ffeiliau perthnasol ar Comin
[golygwch ar Wicidata]

Ardal o Ferlin, prifddinas yr Almaen, yw Charlottenburg a saif ar Afon Spree. Ers 2001, mae'n ffurfio rhan o fwrdeistref Charlottenburg-Wilmersdorf. Mae ardal hanesyddol Charlottenburg ychydig yn fwy na'r dosbarth dinesig cyfoes sy'n dwyn yr enw.

Casgliad o ffermydd, ac yna pentref, o'r enw Lietzow neu Lietzenburg ydoedd yn wreiddiol. Wedi marwolaeth Sophie Charlotte von Hannover, gwraig Ffredrig I, brenin Prwsia, ym 1705 fe'i hailenwyd yn Charlottenburg ar ei hôl, a derbyniodd siarter drefol. Wrth i Ferlin dyfu a llyncu'r trefi a phentrefi cyfagos, cafodd Charlottenburg ei hymgorffori'n rhan o'r ddinas ym 1920.

Mae adeiladau ac atyniadau'r ardal yn cynnwys yr Olympiastadion, a gynhaliodd Gemau Olympaidd yr Haf 1936, a Phalas Charlottenburg, a godwyd ym 1695–99 ar gyfer Sophie Charlotte, sy'n gartref i gasgliadau o hen bethau, paentiadau, ac offerynnau cerdd. Ym mharc y palas lleolir beddrod Ffredrig Wiliam III a'i wraig Luise von Mecklenburg-Strelitz. Yn y palas hefyd mae capel yn y dull Baróc, a adferwyd wedi iddo gael ei ddinistrio yn ystod yr Ail Ryfel Byd. Ailagorwyd yr hen goleg technegol yn Charlottenburg ym 1946 ar ffurf Prifysgol Dechnegol Berlin. Lleolir sawl amgueddfa, colegau celf a cherdd, a thŷ opera'r Deutsche Oper Berlin yn Charlottenburg.^[1]

1. ↑ (Saesneg) Charlottenburg. Encyclopædia Britannica. Adalwyd ar 31 Hydref 2023.