Back چهول AZB Chevelle BE-X-OLD Chevelle Czech Chevelle Danish Chevelle German Chevelle Greek Chevelle (band) English Chevelle Spanish Chevelle Persian Chevelle (groupe) French
| Chevelle | |
|---|---|
 | |
| Orixe | Grayslake, Illinois,  |
| Período | 1995 - presente |
| Xénero(s) | hard rock, metal alternativo, rock alternativo, post-grunge, nu metal |
| Selo(s) discográfico(s) | Squint Entertainment, Epic Records |
| Membros | Pete Loeffler Sam Loeffler |
| Antigos membros | Matt Scott Joe Loeffler Dean Bernardini |
| Na rede | |
| getmorechevelle.com | |
                  | |
Chevelle é unha banda estadounidense de rock formada en Grayslake, Illinois, no ano 1995. O grupo estaba formado orixinalmente por dous irmáns, Pete Loeffler (voces e guitarra) e Sam Loeffler (batería e percusión), xunto con Matt Scott (baixo e coros). Scott foi substituído polo irmán de Sam e Pete, Joe Loeffler, en 1996. Cando Joe deixou a banda en 2005, Geno Lenardo substituíuno como baixista de xira ata que o seu lugar foi ocupado polo cuñado de Pete e Sam, Dean Bernardini. Bernardini marchou en 2019, e en 2021 Kemble Walters uniuse como baixista de xira.
O primeiro álbum de estudio da banda, Point #1, foi publicado en 1999 a través dun pequeno selo chamado Squint Entertainment. O segundo traballo de Chevelle, Wonder What's Next (2002), foi certificado dobre platino pola RIAA despois de estrearse no número 14 da lista de álbums dos Estados Unidos Billboard 200. This Type of Thinking (Could Do Us In) (2004), o seu terceiro álbum de estudio, estreouse no número 8 e foi certificado platino.[1] Chevelle publicou dende entón seis álbums máis: Vena Sera (2007), Sci-Fi Crimes (2009), Hats Off to the Bull (2011), La Gárgola (2014), The North Corridor (2016), e NIRATIAS (2021). A banda tamén lanzou dous álbums ao vivo, dos DVDs e dous recompilatorios. En 2021 Chevelle levaba vendidos máis de 6 millóns de álbums.[2]
- ↑ "Gold & Platinum". RIAA (en inglés). Consultado o 2024-06-03.
- ↑ "Despite Six Million Albums Sold Chevelle's Pete Loeffler Says "We Haven't Made Any Money Off Of Record Sales"". Theprp.com (en inglés). 2021-03-17. Consultado o 2024-06-03.