Chuflet

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chuflet
Chuflet Chuflet
Clasificación

Instrumento de viento

Un chuflet^[1]^[2] ye un traste d'aire d'una sola nota que produz un son por meyo d'un fluxo forzau d'aire.

Existen cuantos tipos de chuflets, dende os chicoz como os d'a policía u os usaus en os esportes, a uns muito mas grans, de vapor, que s'usan en as locomotoras u en os barcos. Istos tipos de chuflets no son consideraus "musicals", pero existen versions que sí lo son.

I hai chuflets feitos de fusta, os cuals se plegan a sentir en musica alegre, se diga en cualques cancions d'o chenero samba.

I hai chuflets d'alta frecuencia, os cuals son practicament inaudibles pa os humans, pero cualques animals, como que os cans, pueden sentir-los.

Os chuflets han existiu dende que os primers humans talloron por primera vegada una carbaza u una rama y descubrioron que podeban fer sons con ella. En l'Egipto prehistorico, s'usaban chicotas conchas como que chuflets.^[3] Muitos trastes d'aire actuals son hereders d'istos primers chuflets. Con l'aumento de mas potencia mecanica, s'han desembolicau atras formas de chuflets.

Una caracteristica d'un chuflet ye que creya un ton puro u cuasi puro. A conversión d'a enerchía d'o fluxo en son proviene d'una interacción entre un material solido y una corrient fluida. Dependendo d'a cheometría, existen dos tipos basicos de chuflets: os que cheneran son a traviés d'oscilacions d'o fluxo masico d'o fluido, y os que cheneran son a traviés d'oscilacions d'a fuerza aplicada a o medio circumdant.

↑ (es) Fernando Romanos Hernando: Aragonés ribagorzano d’Estadilla dende a obra de Cleto Torrodellas y Pablo Recio, p.11
↑ (es) Brian Mott Nuevo Diccionario Chistabino-Castellano: con información etimológica, Logos Verlag, 2015, ISBN 978-3832539467, p.64
↑ (en) Arroyos, Rafael Pérez (2003). Egypt: Music in the Age of the Pyramids (1st ed.). Madrid: Centro de Estudios Egipcios. p. 28. ISBN 978-8493279615

[1] (es) Fernando Romanos Hernando: Aragonés ribagorzano d’Estadilla dende a obra de Cleto Torrodellas y Pablo Recio, p.11

[2] (es) Brian Mott Nuevo Diccionario Chistabino-Castellano: con información etimológica, Logos Verlag, 2015, ISBN 978-3832539467, p.64

[3] (en) Arroyos, Rafael Pérez (2003). Egypt: Music in the Age of the Pyramids (1st ed.). Madrid: Centro de Estudios Egipcios. p. 28. ISBN 978-8493279615

[1]

[2]

[3]