Daredevil

Daredevil
Personaxe de Daredevil (en)
Universu	Universu Marvel y Earth-616 (es)
Creador/a/es	Stan Lee y Bill Everett
Información
Sexu	masculín
Nacimientu	Nueva York,
Ocupación	abogáu, superhéroe, ninja, artista marcial y vixilante
Cónxuxe	Milla Donovan (es)
Padres	Jack Murdock (es) Maggie Murdock (es)
Residencia	Hell's Kitchen (es)
Nacionalidá	Estaos Xuníos
[editar datos en Wikidata]

Daredevil (Matthew Michael Murdock o a cencielles Matt Murdock) ye un personaxe ficticiu perteneciente a la editorial Marvel Comics. Los sos creadores son Stan Lee y Bill Everett. La so primer apaición tuvo llugar nel comic-book Daredevil #1, publicáu en 1964. Anque'l nome del personaxe significa temerariu n'español, n'España la editorial Vértiz tituló la coleición de Daredevil Dan Defensor, y asina consiguió xustificar los dos "D" dibuxaes nel so disfraz. Hai de solliñar que Dan Defensor nun foi l'únicu nome que recibiría nos sos cómics traducíos al español, yá qu'en dellos países de Hispanoamérica recibió'l nome de Diabólicu. Sicasí, anguaño los sos cómics siempres se publicar col so nome orixinal n'inglés, Daredevil, acompañáu del siguiente subtítulu: L'home ensin mieu.

La coleición regular pasó por momentos memorables na hestoria del cómic de superhéroes, como por casu, la etapa de Frank Miller nos 80, con llinies argumentales ente les que destaca la de "Born Again". Otres etapes que se deben destacar tamién son la de Brian Michael Bendis y Maleev, la d'Ed Brubaker con Michael Lark al dibuxu, o la postrera, con Mark Waid y Paolo Rivera.

Daredevil esperimentó un cambéu nos años ochenta cuandos se convirtió nun personaxe más escuru, y les sos hestories pasaron a dirixise a un públicu más adultu. Esti fechu supunxo que Daredevil fora calificáu como una especie de personaxe "de cultu" dientro de les coleiciones de Marvel, ensin dexar de ser unu de los sos personaxes más populares dientro d'esti universu.