Back Guitarra electrica AN قيثارة كهربائية Arabic Guitarra llétrica AST Elektrogitara Azerbaijani الکتریک گیتار AZB E-Gitarren BAR Gitarang de-kuryente BCL Электрагітара Byelorussian Электрагітара BE-X-OLD Електрическа китара Bulgarian
| Elektrischi Gitarre (E-Gitarre) | |
|---|---|
| ängl.: electric guitar, ital.: chitarra elettrica, frz.: guitare électrique | |
 | |
| Klassifikation | Chordophon (Elektrophon) Zupfinstrumänt |
| Donumfang | 
|
| Doonbischbil | |
| Verwandti Instrumänt | Gitarre, E-Bass |
En elektrischi Gitarre (au E-Gitarre oder Stromgitarre) isch e Gitarre, wo für elektrischi Doonabnaam entwigglet worde isch. Im Geegesatz zur akustische Gitarre brucht si primär en elektrische Versterker und nid en akustische Klangkörper zum d Schwingige vo de Saite z versterke. Eso si die verschiidenste Bauforme mööglig worde, und bi vile von ene isch s bsundrigs liicht d E-Gitarre z spiile.
D Entwigglig vo dr E-Gitarre isch drvo cho, ass d Muusiker mit dr Gitarre lüter häi welle spiile, wil d Gitarriste im Dschääs mit iire räin akustische Instrumänt sich nume schlächt gege Bloosinstrumänt oder au nume en äinzelns Klavier häi chönne duuresetze. Eso het sich d E-Gitarre Schritt um Schritt us dr bekannte akustische Gitarre entwigglet. Dorum wird under em Begriff E-Gitarre im witere Sinn die ganzi Bandbräiti vo akustische (Dschääs-)Gitarre mit aabautem Doonabnäämer uf dr äinte Site und Gitarre ooni Resonanzkörper uf dr andere Site verstande. Zwüsche deene bäide Extreem git s e Hufe Mischforme, und die wärde mäistens as „halbakustischi“ E-Gitarre oder Halbresonanzgitarre bezäichnet.