Back ادیتورز AZB Editors Catalan Editors Czech Editors Danish Editors German Editors Greek Editors (band) English Editors Esperanto Editors Spanish ادیتورز Persian

Editors

Editors
Editors tydens 'n optrede van "All Sparks" by die Mercury-toekenningsgeleentheid in September 2006.
Agtergrondinligting
OorsprongStafford (Engeland)
GenresIndie rock
Jare aktief2002 — hede
EtiketteKitchenware, Epic, Play It Again Sam
Webwerfeditorsofficial.com
LedeTom Smith
Chris Urbanowicz
Russell Leetch
Edward Lay
Preview warning: Sjabloon:Inligtingskas Musikale kunstenaar met onbekende parameter "huidige_lede"

Editors is 'n Britse indierockgroep wat in 2002 gestig is en in Birmingham gebaseer is. Die groep het vantevore al as Pilot, The Price, en Snowfield bekend gestaan, en bestaan uit Tom Smith as voorsanger, ritmiese kitaarspeler en klavierspeler, Chris Urbanowicz as hoofkitaarspeler en sintetiseerderspeler, Russel Leetch as baskitaarspeler en agtergrondsang, en Ed Lay as trom- en perkussiespeler, asook as agtergrondsanger. Die groep se styl van duistere indierock word algemeen met die klank van groepe soos Echo and the Bunnymen, Joy Division, Interpol en U2 vergelyk.[1]

Editors het tot dusver twee platinumstatus-ateljeealbums uitgereik waarvan gesamentlik meer as twee miljoen kopieë wêreldwyd verkoop is.[2][3] Die groep se debuutalbum, The Back Room, is in 2005 vrygestel. Dit bevat treffers soos "Munich" en "Blood" en het in die jaar ná die vrystelling 'n Mercury-toekenningsnominasie ontvang. Die volgende ateljeealbum, An End Has A Start, het in Junie 2007 nommer-een posisie op die VK-albumranglys behaal en het die groep 'n Brit-toekenningsnominasie vir Beste Britse Groep besorg.[4] Die album het ook 'n volgende Top-10-treffer gegenereer met "Smokers Outside the Hospital Doors".[5]

Ná die groep se voortdurende sukses op die VK-ranglyste, uitverkoopte konserte en vele optredes by musiekfeeste, is Editors deur die The Mail on Sunday as die tweede grootste Britse musiekgroep, ná Arctic Monkeys, van die 2000-2009-dekade geprys.[6]

  1. ↑ Angsty young man, guardian.co.uk, 28 November 2005, Besoek op 20 September 2008
  2. ↑ Jon Perks, Editors Are Back In Town Geargiveer 21 Mei 2011 op Wayback Machine, Birmingham Post, 18 Februarie 2008, Besoek op 31 Maart 2008
  3. ↑ 2007 Sales Estimations, Worldwidealbums.net, 1 Januarie 2008, Besoek op 31 Maart 2008
  4. ↑ "Brit Awards nominees: in quotes" (in Engels). Geargiveer vanaf die oorspronklike op 1 Oktober 2018. Besoek op 20 Februarie 2008.
  5. ↑ "The Story of Editors". Geargiveer vanaf die oorspronklike op 22 Junie 2009. Besoek op 2 April 2007.
  6. ↑ Nick Durden, Stop the press: Britain's hottest new band, Editors, Mail On Sunday, 15 Februarie 2008. Besoek op 31 Maart 2008

Developed by StudentB