Estambre

O estambre d'a flor ye una fuella modificata on bi ha sacos polinicos, sacos on s'orichinan os grans de polen.

A palabra estambre yera en aragonés medieval estamne (escrito stampne) y bien d'o latín stamen ("filos luengos d'o vellón de lana").

En as chimnospermas os estambres son plans u laminars y gosan tener dos sacos polinicos.

En as anchiospermas os estambres tienen un filamento, y en o suyo cabo una voleta clamata "antera". En as bases d'ixos filamentos bi ha muitos organos produtors de nectar (necteras florals), con a función que os insectos que viengan a beber-ne esdeviengan empastratos con o polen y lis ne pasen ta atras flors polinizando-las. O conchunto d'estambres forma l'androceu.