Back يوروستات Arabic Avrostat Azerbaijani Еўрастат Byelorussian Евростат Bulgarian Eurostat Catalan Eurostat Czech Eurostat Danish Eurostat German Ευρωπαϊκή Στατιστική Υπηρεσία Greek Eurostat English
| Dialäkt: Mìlhüüserisch |
S’ Schtàtistischa-n-Àmt vu dr Öiropäischa Unioon, kurz Eurostat odd’r ESTAT, ìsch d’ Verwàltungsainhait vu dr Öiropäischa Union, wo d’ àmtliga öiropäischa Schtàtistika ärschtällt. Sa hàt ìhra Sìtz z’ Luxämburg. Sa ìsch aina vu da Generààldiräkzioona vu dr Öiropäischa Kùmmissioon un ìsch em Kommisààr fìr Wìrtschàft un Waahrung unterschtällt.[1]
Grìnda worra-n-ìsch Eurostat ànna 1953 fìr d’ Öiropäischa Gmainschàft fìr Kohla un Schtàhl (Montànunioon) bediana. Ìm Làuif vum Joohr hàt’s ìmmer meh Uffgààwa ghàà. Mìt dr Grìndung vu dr Öiropäischa Wìrtschàftsgmainschàft ànna 1958 ìsch’s a Generààldiräkzioon vu dr Öiropäischa Kùmmissioon worra. D’ Hàuiptuffgààb vun Eurostat ìsch, fìr àndra Generààldiräkzioona Schtàtistika z’ ärschtälla un ìn àndra öiropäischa Inschtituzioona Dààta z’ lììfra. Dàs hìlft ìhna bii dr Äntwìcklung, Üssfiahrung un Untersüachung vu dr Gmainschàftspolitik. Uff dr Websitta vun Eurostat fìnda m’r vììla Schtàtistika-n-ìwwer d’ EU-Lander.
Sitter’m 1. März 2018 ìsch d’ Bülgààra Mariana Kotzeva Generààldiraktera vun Eurostat.[2]
- ↑ Practical arrangements governing working relations between members of the Commission, cabinets and services (Memento vom 24. Jänner 2012 im Internet Archive)
- ↑ Mariana Kotzeva appointed Director General of Eurostat. Archiviert vom Original am 7. April 2022; abgruefen am 2. April 2018 (britischs Änglisch).