F-Droid

F-Droid software librearen komunitateak mantendutako software biltegirik ezagunena Android sistemarentzat. Googlen Play Storeren antzera funtzionatzen du baina Software librearen komunitateak mantentzen du zerbitzari independenteetan deszentralizatua eta bertan, bakar-bakarrik software libreko aplikazioak daude. F-Droidek badu aplikazio bat Android gailuetan instalatu daitekeena eta bertatik arakatu eta instalatu daitezke ehunka, milaka, aplikazio. Edo bestela, F-droid webgunearen bidez egin daiteke bilaketa eta deskarga. Edozein modutan ez du erregistratzea eskatzen, eta bertan eskaintzen diren aplikazioek ez dituzte aplikazio komertzialek beste baimen eskatzen Android gailuaren barnean arakatzeko-eta.