Facebook

Facebook es un malhum social en linha que permet a sos utilisaires de publicar d'imatges, de fotografias, des videogramas, de fichièrs e de documents, d'escambiar de messatges, jónher e cear de grops e d'utilizar una varietat d'aplicacions. Tresen site web mai visitat al mond après Google e YouTube segon Alexa, amb mai d'un miliard d'utilizaires actius quotidians. En junh de 2007, Facebook declara aver passat lo nombre de 2 miliards d'utilizaires actius. Facebook nasquèt en 2004 a l'universitat Harvard; d'en primièr reservat als estudiants d'aquesta universitat, puèi foguèt dubèrt a d'autras universitats americans abans de venir accessible a totes en setembre de 2006. Lo nom del site ven des albums fotos (« repertòri fotografic » o « facebooks » en anglés) amassant las fotos de cara de totes los estudiants presas al començament de l'annada universitari. Facebook fa regularament l'objècte de debats tant sul plan politic que juridic, economic, cultural e social. Son influéncia dins l'esfèra publica e lo biais que tòca la vida sociala dels utilizaires, son usatge de las donnadas personalas, son ròtle dns la propagacion de las fake news o encara sa politica de regulacion des contenguts son tanben sovent discutits dins l'actualitat.