Fauna

An fauna iyo an gabos na hayop na yaon sa sarong partikular na rehiyon o panahon. An katimbang na termino para sa mga tinanom iyo an flora, asin para sa fungi, iyo an funga. An flora, fauna, funga asin iba pang klase nin buhay sa kabilogan inaapod na biota. An mga Zoologo asin paleontologo ginagamit an fauna tanganing sambiton an sarong tipikong koleksiyon nin mga hayop na yaon sa espesipikong oras o lugar, e.g. an "Sonoran Desert fauna" o an "Burgess Shale fauna". Kun minsan, an mga Paleontologo pinapanongdan an sunod-sunod na tangga nin faunal, na serye nin mga gapo na gabos igwa nin kaagid na mga fossil. Inaapod na faunistiko an pag-adal sa mga hayop sa sarong partikular na rehiyon.