Firefox

Firefox (pronunciáu n'inglés [ˈfaɪəfɒks]) ye un navegador de Internet, con interfaz gráfica d'usuariu desendolcáu pola Corporación Mozilla y un gran númberu de voluntarios esternos. Firefox, oficialmente abreviáu como Fx o fx, y davezu como FF, entamó como un deriváu del Mozilla Application Suite, que terminó por reemplazalu como'l productu bandera del proyeutu Mozilla, baxo la direición de la Fundación Mozilla. El programa ye multiplataforma y ta disponible en versiones pa Microsoft Windows, Mac OS X y GNU/Linux. El códigu foi portáu por terceros a FreeBSD, OS/2, Solaris, SkyOS, BeOS y más recientemente, Windows XP Professional x64 Edition. El códigu fonte de Firefox ta disponible llibremente baxo la triple llicencia de Mozilla como un programa llibre y de códigu abiertu. La versión actual ye la 39.0.3. Mozilla incluyó la versión n'asturianu oficialmente'l día 7 de setiembre de 2010.