Furgoneta

Una furgoneta^[1] u furgona^[1] ye un vehíclo comercial lichero emplegau pa transportar biens u grupos de personas. Una furgoneta tien en a parti posterior una zona de carga de formas ortogonals y acubilada, a o contrario que una camioneta pickup, que la tien a l'aire libre. En bels casos, ista zona tiene cuantas filas d'asientos, y en atros ye vueita pa transportar obchectos grans. A vegadas os veires laterals pueden estar reemplazaus por una continación d'a chapa.

O portón trasero ye cuasi siempre de dos fuellas d'apertura horizontal. Una furgoneta gosa estar mas alta que un auto y que un monovolumen. Con respecto a un monovolumen, a posición d'os asientos ye más tiesa y alta, y o morro mas curto. O motor ye cuasi siempre debantero, y en bels casos ye situau por debaixo d'os asientos debanteros para disminuir a largaria total. Excepción son as furgonetas chicotas derivadas dreitament de turismos d'o segmento B -y más rarament de l'A u o C-como Fiat Fiorino y Opel Combo que gosan compartir toda a estampación con o modelo de que derivan dica o pilar B u bi ha atras que comparten plataforma con turismos encara que con estampación propia como as Ford Transit Connect, Renault Kangoo u Citroën Berlingo. Una d'as furgonetas mas conoixidas a livel mundial ye a Volkswagen Transporter.

1. ↑ ^{1,0 1,1} (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.