Back Ganumedes (mitologie) Afrikaans غانيميد (إله) Arabic Ganímedes (mitoloxía) AST Qanimed Azerbaijani Ганимед Bashkir Ganymed BAR Ганімед Byelorussian Ганимед (митология) Bulgarian Ganymedes Breton Ganimed (mitologija) BS
De Ganymedes (altgriech. Γανυμήδης, Ganymḗdēs; tütsch: Ganymed; etrusk. Catmite; Latiin. Catamitus) isch i de griechisch Mythologii de Mundschengg vo de Götter und er gelt as de schönsti Mentsch öberhopt. De Name isch vermuetli vorgriechisch und isch volksetymologisch zu altgriech. ganymai „sich froie“ und tò mēdos „Gmächt, Penis“ gstellt wore.
De Ganymed isch de Soo vom troianisch König Tros. Weler ase höbsch isch, het de Zeus de Hermes gschiggt, aser enn uf de Olymp bringt. Noch de Homerische Hymne a d Aphrodite hett de Sturmwind de blondi Ganymed uf de Olymp trait und noch anderne hett de Zeus en Adler gschiggt oder er hett sich selber in en Adler verwandlet um de Ganymed z raube. De Ganymed isch denn de Mundschengg vo de Götter wore, demit die sich a sinnere Schööhait ergötze chönnt. As Widerguetmachig het de Zeus em Tros Ross ggee. De Ganymed isch as s Sternbild Wassermaa versternt wore.
I de früechristliche Literatur isch de Ganymed zomene verdorbne junge Maa stilisiert wore, und siin latinisch Name Catamitus isch synonym mit „Lustchnaab, Stricher“ (tütsch: Katamit, italienisch catamite) wore. De Raub vom Ganymed isch as e Biispiil vo sexuelle Uuschwaiffig umdüttet wore.