MONUMANT  ISTOREL |
|---|
 Inizi Gegnog ha Tarieg, gwelet eus an douar-bras d'an daere |
Gegnog zo un enezenn e kumun Landeda, e kornaoueg ar gumun, un 2 km bennak diouzh an douar-bras. En em astenn a ra war 400 m hed ha 160 m led[1].
N'eus gwezenn ebet warni, nemet leton. Gwechall gozh e oa stag ouzh an douar-bras ha dismantroù meur a garn eus mare an Neolitik a weler warni. Lakaet int da vonumant istorel abaoe 1964[2]. Diwezhatoc'h, da vare Oadvezh an Houarn e oa annezet an enez ivez[3]. Furchadegoù zo bet graet e Gegnog meur a wech, adalek 1962[4].
Talvezet he doa Gegnog ivez, da vare an Eil Brezel-bed, da lakaat lomaned kirri-nij saoz kouezhet war an douar-bras da dec'hout kuit, gant sikour rezistanted eus ar c'hornad[5].
- ↑ Kartenn Google
- ↑ Les vestiges de l'île Guenioc en 3D - Le Télégramme, 28/08/2017
- ↑ Des Gaulois sur l’île Guennoc (Landéda, Finistère) - Revue archéologique de l'Ouest, 2008
- ↑ Guénioc, un site mégalithique majeur en 3D - Ouest-France 8/10/2017
- ↑ Louis Brigand (2002), Les îles du Ponant, Histoires et géographie des îles et archipels de la Manche et de l'Atlantique, p. 179