Guntung

Guntung atawa Anak Sungai adalah aliran banyu nang baasal matan wilayah tartantu wan mangalir ka sungai utama atawa sungai induk nang taganal. Biasanya buhannya baisi sumber banyu kaya mata air, salju nang cair, atawa hujan nang dikumpulakan di dataran tinggi atawa gunung.^[1] Sairing lawan aliran banyu, anak sungai biasanya bagabung lawan sungai utama, manambahi volume banyu nang mangalir di dalamnya wan mambari kontribusi pada suplai banyu sistim sungai sabarataann.

Dalam basa Inggris, istilah gasan "guntung" adalah tributary nang marujuk pada aliran banyu nang mangalir ka sungai utama atawa sungai induk.^[2]

Sistem sungai kawa dipinandui sabagai jaringan nang tadiri matan batang banyu wan guntung. Batang banyu adalah aliran banyu utama nang biasanya taganal wan panjang, sadangkan guntung labih halus wan baasal matan wilayah tartantu. Guntung kawa tadiri matan babarapa tingkatan, lawan babarapa guntung nang labih halus nang bagabung gasan mambantuk guntung nang taganal sabalum akhirnya mangalir ka batang banyu.^[3]

1. ^ Reis, Kathryn (2023-11-21). "Tributary | Definition, Landforms & Examples". study.com. Diakses tanggal 2024-10-23. 
2. ^ "Water Resources Glossaries". water.usgs.gov. Diakses tanggal 2024-10-23. 
3. ^ "Sistem Sungai". LIMNOLOGI FPIK UB (dalam bahasa Indonesia). 2013-07-15. Diakses tanggal 2024-10-24.