Back Hubble-ruimteteleskoop Afrikaans Telescopio espacial Hubble AN مقراب هابل الفضائي Arabic Telescopiu espacial Hubble AST Habbl teleskopu Azerbaijani هابل فضایی تلسکوپو AZB Хаббл (телескоп) Bashkir Хабл (тэлескоп) Byelorussian Хъбъл (космически телескоп) Bulgarian हबल अंतरिक्ष दूरबीन Bihari
.jpg)
| Dialäkt: Markgräflerisch (Ebringe) |
S' Hubble-Weltruumteleskop (oder Hubble Space Telescope, HST) isch e Weltruumteleskop fer sichtbares Liecht, Ultraviolett- un Infrarotstrahlig, wo d'Erde in öbbe 589 Kilometer Höchi innerhalb vu 96 Minüte eimol umchreist. S'HST isch am 24. April 1990 vum Space Shuttle Discovery uf dr Mission STS-31 im Ramme vu ere Zämmenarbit vu dr NASA un dr ESA usgsetzt worre. Es isch uf dr Astronom Edwin Hubble daift.
Dr Betriib vum e Teleskop im atmosphärlose Weltruum het grossi Vordeili, wil d'Filterwirkig vu ere Lufthülle uf bestimmti Wellelänge im elektromagnetische Spektrum, zum Bispil im Ultraviolett un im Infrarot, entfallt. Es trätte au keini Störige dur Luftbewegige uf (Szintillation), wo bi erdbundene Teleskope numme mit grossem Ufwand usgliche oder rusgrechnet werre chönne.
D'Bildqualität vum Hubble-Weltruumteleskop isch in dr erste Betribsjohre dur e Herstelligsfähler vum Hauptspiegel begrenzt gsi, wo - glücklicherwiis mathematisch exakt - falsch gschliffe worre isch.
Mer het dorum dr Fähler deilwiis rusrechne chänne. Anno 1993 het mer no im HST e "Brille" verpasst, s'sognennt "Corrective Optics Space Telescope Axial Replacement" (COSTAR) un dr Fähler demit korrigiert. Sitdem sin mit Hilf vum HST Bilder gmacht worre, wo oft e starchi Wirchig uf d'Öffetlichkeit hän, un wo zue Ergäbnisse mit grosser wisseschaftlicher Bedütig gfüehrt hän.