Jean Bodel

Jean Bodel
Ganwyd	c. 1165  Arras
Bu farw	c. 1210  Beaurain
Dinasyddiaeth	Ffrainc
Galwedigaeth	bardd, llenor, Trwbadŵr
Adnabyddus am	Le Jeu de saint Nicolas, Les congés, Chanson des Saisnes, De Haimet et de Barat, De covoteus et de l'envieus, Le vilain de Bailluel, Le vilain de Farbu, Brunain la vache au prêtre, Des deus chevaus, Li sohaiz desvez, Pastourelles
Arddull	chanson de geste, theatr, barddoniaeth

Bardd a dramodydd yn yr iaith Hen Ffrangeg oedd Jean Bodel neu Jehan Bodel (tua 1167 – 1210) sy'n nodedig fel jongleur, trouvère, ac awdur fabliaux.

Roedd yn hanu o Arras, yn rhanbarth Artois, a oedd yn rhan o Swydd Fflandrys hyd at 1180. Mae'n debyg iddo weithio mewn swydd gyhoeddus yn Arras, ac yn sicr roedd yn aelod o puy, y frawdoliaeth lenyddol leol. Roedd bwriad ganddo ymuno â'r Bedwaredd Groesgad (1202–04), ond cafodd ei wahanglwyfo a bu farw mewn clafrdy yn Arras.^[1]

Bodel yw awdur Le Jeu de Saint Nicolas (tua 1200), y ddrama firagl hynaf yn yr iaith Ffrangeg. Ysgrifennodd hefyd bum pastourelle ( 1190–94, 1199), naw fabliau (1190–97), y chanson de geste La Chanson des Saisnes (cyn 1200), a'r delyneg Les Congés (1202).^[1]

1. ↑ ^{1.0 1.1} (Saesneg) Jehan Bodel. Encyclopædia Britannica. Adalwyd ar 17 Medi 2019.