Back جبل كايلاش Arabic جبل كايلاش ARZ कैलाश पर्वत AWA Bukid Kailash BCL Кайлас Byelorussian Кайлаш Bulgarian कैलास परबत Bihari কৈলাস পর্বত Bengali/Bangla གངས་རིན་པོ་ཆེ། Tibetan Kailash Catalan

Kailash

Kailash
Kailash se noordekant Kailash se noordekant
Ligging Tibet, Volksrepubliek China
Hoogte 6 638[1] meter bo seevlak
Prominensie 1 319
Reeks Transhimalaja
Koördinate 31°04′0″N 81°18′45″O / 31.06667°N 81.31250°O / 31.06667; 81.31250
Vertaling van naam Kristal (Hindi/Sanskrit)
Ligging van Kailash op 'n kaart (Volksrepubliek China)
Kailash
Kailash

Kailash (Tibettaans: གངས་རིན་པོ་ཆེ, Gang Rinpoche; Vereenvoudigde Chinees: 冈仁波齐峰; Tradisionele Chinees: =岡仁波齊峰; Hindi: कैलाश पर्वत) is 'n berg in die Transhimalaja wat in die weste van die Outonome Gewes Tibet van die Volksrepubliek China, net noord van die grense tot Indië en Nepal, geleë is. Die berg het 'n hoogte van 6 638 meter.

Kailash se suidekant
Stoepas by Kailash
Kailash op die vlag van Tibet

Die gebied rondom Kailash het 'n baie belangrike rol vir die Hoogland van Tibet se watervoorsiening: Hier ontspring Suid-Asië se vier groot riviere: Indus in die noorde, Sutlej in die weste, Brahmaputra in die ooste en Karnali – 'n sytak van die Ganges – in die suide. Hierdie riviere het 'n belangrike betekenis vir die watertoevoer van die digbevolkte Indiese subkontinent. Die godsdienstige betekenis getuig van hierdie omstandigheid.

Kailash beteken "kristal" in Hindi en is afgelei van óf Sanskrit kelāsa केलास[2] óf Kailāsa कैलास, Kailāśa कैलाश.[3][4] Die Tibettane noem dié berg Ghang Rimpoche of Khang Ripoche wat "kosbare juweel van sneeu" beteken. Ander name sluit in Meru en Tise. In Djainisme staan die berg bekend as Ashtapada.

Die berg word as heilig in Hindoeïsme, Tibettaanse Boeddhisme, Djainisme en Bön beskou. In Hindoeïsme word die berg Kailash as woonplek van die god Shiva beskou. As gevolg daarvan is Kailash 'n belangrike bedevaartsoord. Kailash word op die vlag van Tibet uitgebeeld. Weens godsdienstige redes is die bestyging van die berg nie gewens nie.

  1. ↑ (en) "Mount Kaliash, China". Peakbagger.com. Besoek op 2 Augustus 2019.
  2. ↑ Williams, Monier. "Monier-Williams Sanskrit-English Dictionary" (in Engels). Geargiveer vanaf die oorspronklike op 31 Augustus 2018. Besoek op 2 Augustus 2019. kelāsa m. crystal W
  3. ↑ (en) Monier Monier-Williams se Sanskrit-woordeboek, bl. 311, kolom 3 Geargiveer 3 Desember 2018 op Wayback Machine
  4. ↑ (en) Sarat Chandra Das (1902). Tibetan-English Dictionary with Sanskrit Synonyms. Calcutta, India: Bengal Secretariat Book Depot, bl. 32.

Developed by StudentB