Kopernikium

112 roentgenium ← kopernikium → nihonium Hg ↑ Cn ↓ (Uhh) Periodieke tabel
Algemeen
Naam, simbool, getal	kopernikium, Cn, 112
Chemiese reeks	oorgangsmetaal, ook beskou as ’n hoofgroepmetaal
Groep, periode, blok	12, 7, d
Atoommassa	(285) g/mol
Elektronkonfigurasie	voorspel;[1] [Rn] 5f14 6d10 7s2
Elektrone per skil	voorspel; 2, 8, 18, 32, 32, 18, 2
CAS-registernommer	54084-26-3
Fisiese eienskappe
Toestand	voorspel;[2] gas
Digtheid (naby k.t.)	voorspel; 23,7 g/cm³
Kookpunt	357 K (84 °C)
Atoomeienskappe
Oksidasietoestande	voorspel;[1][3]2, (1), 0
Ionisasie-energieë	1ste: 1 154,9 kJ/mol
	2de: 2 170,0 kJ/mol
	3de: 3 164,7 kJ/mol
Geskiedenis
Ontdek	1996
Ontdek deur	Sentrum vir Swaarioonnavorsing, Darmstadt, Duitsland
Genoem na	Nicolaas Copernicus
Datum van naam	19 Februarie 2010
Vorige naam	ununbium (Uub)
Vernaamste isotope
Hoofartikel: Isotope van kopernikium iso NV halfleeftyd VM VE (MeV) VP 285Cn sin 30 s α 9,15, 9,03? 281Ds 283Cn sin 4 s 90% α 9,53; 9,32; 8,94 279Ds SS - --
Portaal Chemie

Kopernikium is ’n superswaar, kunsmatige element met die atoomgetal 112 en simbool Cn. Dit kom nie in die natuur voor nie en kan net in ’n laboratorium vervaardig word. Die stabielste bekende isotoop, kopernikium-285, het ’n halfleeftyd van sowat 29 sekondes. Dit is in 1996 deur die Sentrum vir Swaarioonnavorsing naby Darmstadt, Duitsland, sinteties vervaardig en genoem na die sterrekundige Nicolaas Copernicus.

Op die periodieke tabel lê kopernikium in die d-blok, in groep 12 en periode 7. Tydens reaksies met goud het dit gewys^[4] dit is ’n hoogs vlugtige metaal, en dit is dus moontlik ’n gas by ’n standaardtemperatuur en -druk.

Daar word gereken kopernikium het verskeie eienskappe wat verskil van dié van sy ligter homoloë, sink, kadmium en kwik. Vanweë relativistiese effekte kan dit selfs sy 6d-elektrone afstaan in plaas van sy 7s-elektrone. Daar is ook bereken kopernikium het moontlik ’n oksidasietoestand van +4, terwyl kwik dit net in een verbinding het (wat betwis word) en sink en kadmium dit glad nie het nie. Daar is ook voorspel dit sal moeiliker wees om kopernikium te oksideer vanuit sy neutrale toestand as die ander elemente in groep 12.

1. ↑ ^{1,0 1,1} Hoffman, Darleane C.; Lee, Diana M.; Pershina, Valeria (2006). "Transactinides and the future elements". In Morss; Edelstein, Norman M.; Fuger, Jean (reds.). The Chemistry of the Actinide and Transactinide Elements (3de uitg.). Dordrecht, Nederland: Springer Science+Business Media. ISBN 1-4020-3555-1.
2. ↑ Soverna S 2004, 'Indication for a gaseous element 112,' Geargiveer 29 Maart 2007 op Wayback Machine in U. Grundinger (red.), GSI Scientific Report 2003, GSI Report 2004-1, p. 187, ISSN 0174-0814
3. ↑ H. W. Gäggeler (2007). "Gas Phase Chemistry of Superheavy Elements" (PDF). Paul Scherrer Institute. pp. 26–28. Geargiveer vanaf die oorspronklike (PDF) op 20 Februarie 2012. Besoek op 31 Desember 2021.
4. ↑ Eichler, R.; et al. (2007). "Chemical Characterization of Element 112". Nature. 447 (7140): 72–75. Bibcode:2007Natur.447...72E. doi:10.1038/nature05761. PMID 17476264.