La komunumo situas sude de la lago Tegernsee, kaj en la 12-a jarcento fondiĝis fare de la samnoma proksima monaĥejo Tegernsee. En 1184 konstruiĝis unua kristana preĝejo. Nun la komunuma teritorio konsistas el la komunumopartoj Bayerwald, Brunnbichl, Enterbach, Enterfels, Glashütte, Grüneck, Kreuth Dorf, Oberhof, Pförn, Point, Reitrain, Riedlern, Ringsee, Scharling, Schärfen, Weißach kaj Wildbad Kreuth. El ili aparte la historia parto Wildbad Kreuth [VILTbat KROJT] estas konata ekster la regiono, ĉar tie situas renoma seminariejo de la bavara konservativa partio CSU, la Kristan-Sociala Unio en Bavario, kaj ripete konferencoj en Wildbad Kreuth kaj ties decidoj estas citataj en la naciaj amaskomunikiloj.
