Kristiansand

Kristiansand (pamulaannya Christianssand ) adalah sabuting kuta wan kutamadya, wan ibu kuta prupinsi Vest-Agder, Norwegia. Manurut panduduknya, nginilah kuta paling ganal di Norwegia, wan kuta paling ganal di kawasan giugrapis Sørlandet. Sejak 1 Januari 2006, kutamadya ngini baisi panduduk 76.917.

Kristiansand didiriakan ulih Raja Christian IV, nang haratan 1641 maucapakan "di sini sabuting kuta harus badiri". Pamulaannya kuta ngini badiri sabagai kuta pasar hagan manunjul partumbuhan di kawasan ngini sabab kapantingannya nang strategis, maadaakan dasar ikunumi satampat hagan pambangunan benteng wan panduduk hagan partahanan da'irah ngini. Pusat Kristianland disambat Kvadraturen.

Taman zoologisnya, Kristiansand Dyrepark (Kabun Binatang Kristiansand wan Taman Hiburan) nang baandak di timur kuta ngini, baisi banyak binatang wan di sabagian ganalnya habitat alami, nang tarmasuk binatang nangkaya serigala, macan, wan lynx. Karana alukasi area ngini, kumbinasi kabun binatang wan taman wisatanya baik.

Saban tahun di bulan Juli, Kristiansand adalah andakan Quart Festival, pestival musik multihari - paling ganal matan jenidnya di Norwegia.

Kristiansand jua andakan Teater Agder.

Kuta ngini dihubungakan ka banua Irupa matan laut wan udara. Bandara satampat, Kjevik, baandak 12 km (7 mil) di timur kuta wan baisi rute ka kuta-kuta di Irupa wan Norwegia. Matan pusat kuta, palabuhan feri baisi palayaran ka Hirtshals (Denmark) wan Hanstholm (Denmark). Ada jua bus wan KA nang manghubungakan Kristiansand ka kuta di Norwegia lainnya.

Kristiansand baisi fasilitas galangan kapal utama nang mandukung industri minyak Norwegia di Laut Utara. Ada ladang pembalik statis HVDC Cross-Skagerak di parak Kristiansand.

Kristiansand wan Sørlandet biasanya mandapat banyak cahaya matahari musim panas dibandingakan lawan sapalih ganal kuta di Norwegia. Mungkin ada curah salju nang banyak di musim dingin lawan angin selatan-barat daya (catatan salju di Kjevik 170 cm), tagal salju jarang lawas di pesisir.

Catatan: Maski ngarannnya jalas-jalas balain, Kristiansand rancak ditulis sebagai Kristiansand S (S hagan Selatan) hagan mambadakannya matan Kristiansund, jua di Norwegia, nang dicatat sabagai Kristiansund N. Praktik ngini baawal sabalum kode pos dipinanduakan, sabab rancak kali surat sasat. Kasimpangan takananya jua suah tarjadi lawan kuta Kristianstad di Swedia.