Back Kroncong German Kroncong English Kronĉongo Esperanto Kroncong Estonian Kroncong Finnish Keroncong French Keroncong ID Kroncong Italian クロンチョン Japanese Kroncong JV
 Nesta página se gasta una ortografía destinta ala que normalmenti se gasta ena Güiquipedia. |
El kroncong (prenunciáu "cronchóng") u keroncong es un istrumentu musical d'Indonésia con origin portugués autáu al ukelele y un géniru musical entrepretáu cona vo d'una cantanti femenina, un kroncong y un frautista, a lo que se puein añiíl otrus istrumentus.
La música kroncong apaició nel sigru XVI cuandu los marinus trujun istrumentus y músicas portuguesas pa Indonesia. Jue assimiláu polas gentis del puebru y adoptáu pol tolas crassis socialis. Uguañoti se considera una parti más del folklori indonesiu (especialmenti javanés, inque las letras suelin estal en indonesiu).
El keroncong traicional acústicu tíni un espíritu melancólicu caraiterísticu mu autáu al del fado portugués. El keroncong agora sueli estal consideráu cumu música passá de moa pola moceá indonesia, anque dende los añus 60 el géniru se moerniðó añiyendu istrumentus cumu tecráus, guitarras eléctricas y baterías criandu el pop keroncong.
El repertoriu utiliða el tonu mayol occiental con angunus ejemprus del menol. Sólu hain escepcionis a éstu cuandu las orquestas de keroncong tocan cantaris javanesis traicionalis. La música javanesa tíni escalas y intervalus esconocíus ena música occiental. El keroncong javanés antocis mantíni los intervalus occientalis peru adopta una escala pentatónica que s'aproxima a una las prencipalis escalas septatónicas javanesas.