Back Откровени изповеди Bulgarian Confessions sinceres Catalan Pravdivé zpovědi Czech Fesseln der Macht German True Confessions (film) English Confesiones verdaderas Spanish اعترافات واقعی (فیلم) Persian Sanglantes Confessions French L'assoluzione (film 1981) Italian 告白 (1981年の映画) Japanese
|
C'l artìcul chè 'l è scrit in
Miranduléś |
 True Confessions
| ||
| L'assoluzione | ||
 Robert De Niro in na figùra dal film | ||
| Al pardòṅ 1981 | ||
|---|---|---|
| Regìa: Ulu Grosbard | ||
| Scritōr: John Gregory Dunne Joan Didion • Gary S. Hall | ||
| Atōr: Robert De Niro • Robert Duvall • Thomas Hill Charles Durning • Kenneth McMillan • Cyril Cusack Burgess Meredith • Rose Gregorio • Dan Hedaya Gwen Van Dam • Ed Flanders • Jeanette Nolan | ||
| Müsica: Georges Delerue | ||
| Léngua: Ingléś • Latìn | ||
| Dürä dal film: 108 minüt | ||
| Nasiōṅ: Stat Unî | ||
L'assoluzione (Al pardòṅ) 'l è 'n film dramàtic dal 1981 'd Ulu Grosbard trat da 'l rumànś „Véra cunfesàda“ ad John Gregory Dunne ch'al cònta la stòria dla Giurgìna Négra.
Robert Duvall, par cla pelìcula chè, 'l à vins al prèmi p'r al mijór atōr a 'l 38śum Fèstival ad Venèsia.
Al film 'l à fat sù dagnóra trédas migliòṅ ad dòlar.
Sunt
In dla Los Angeles dal dòp-guèra Desmond Spellacy (Robert De Niro) 'l è prevòstar ambisióś ch'al pénsa dimóndi a catàr sù di fónd par la sò céśa piutòst che tgnir adrē a gl'aspèt spirituài dal sò ministēr. Òṅ ad qvéi ch'a gh dà più bèsi 'l è 'n irlandéś ch'al tira sù dal cà, Jack Amsterdam (Charles Durning), un ciśarōl pôc ad bòṅ dimóndi amìg dal munsgnōr Fargo (Burgess Meredith). Par far pòst a Desmond chi lò al manda via 'l cardinàł Danaher (Cyril Cusack) ch'l è dvintâ vèć e ch'l è 'n persunàǵ tròp a mōd par cumpatìr-as tut chi tragatèṅ lè.
Desmond al gh'à la màdar malàda a 'l ricòvar (Jeanette Nolan) e 'n fradèl pulisiòt ciamâ Tom (Robert Duvall) ma i dū i s védan pôc. Un dè in un camp bandunâ a vîṅ catâ 'l còrp tajâ in dū dla Lois Fazenda, na scaja batśàda cuma „la vìrgin barbòna“ p'r i giurnài. Chi lē la lauràva p'r al caśèṅ ad Jack e dla Brenda Samuels (Rose Gregorio), vècia amìga 'd Tom ch'al gh'à fra 'l àtar pròpria 'l incàr'g ad far luś su 'l caś insém a 'l sò culéga Frank Crotty (Kenneth McMillan).
Desmond al cgnusìva la dóna parchè al l'iva scarusàda na nòt insém a Jack e a 'l sò avucàt Dan Campion (Ed Flanders) che pò i s l'éra gusàda. Ma p'r al fat 'd avér taśû cal fat lè la sò caréra la prév andàr-'s a far banadìr. 'L avucàt al fà dal presiòṅ su 'l prēt par farmàr sò fradèl in dgl'indàśin.