Laktobovino

Laktobovino (nomita ankaŭ laktoproduktaj bovinoj) estas rasoj de bovoj bredataj pro ties kapablo produkti grandajn kvantojn da lakto, el kiuj oni produktas siavice laktaĵojn.Laktobovinoj ĝenerale estas el la specio Bos taurus.^[1]

Historie, estas malmulta distingeblo inter laktobovinoj kaj viandobovoj, ĉar ofte la sama raso estas uzata por produktado kaj de viando kaj de lakto. Nuntempe, la bova industrio estas pli specializita kaj plej laktobovinoj estis bredataj por produkti grandajn volumojn da lakto. La usonaj laktobovinoj produktis 83.9 mil milionojn da kg da lakto en 2007, el antaŭaj 52.6 mil milionojn da kg en 1950,^[2][3] kvankam estis nur ĉirkaŭ 9 milionoj da bovinoj en la usonaj farmoj — ĉirkaŭ 13 milionoj malpli ol en 1950.^[3]

Tradicie, havi laktobovinon estis grava rimedo por farmaj familioj kaj foje estis savo dum sezonoj de malsatoj. En Hispanio tiu afero temis en tradicia popolkanto nome "Mi havas laktobovinon" kiu disvastiĝis ankaŭ en esperanta versio en Esperantujo.

1. ↑ Arkivita kopio. Arkivita el la originalo je 2011-06-09. Alirita 2016-02-28.
2. ↑ U.S. Department of Agriculture, National Agriculture Statistics Service (Marto 2009). Milk Cows and Production Estimates 2003-2007. Alirita 2011-01-30..
3. ↑ ^{3,0 3,1} . The Changing Landscape of U.S. Milk Production. Statistical Bulletin Number 978, U.S. Department of Agriculture (Junio 2002). Arkivita el la originalo je 2013-03-08. Alirita 2011-01-30. Arkivita kopio. Arkivita el la originalo je 2013-03-08. Alirita 2022-01-12.