Back Lewer Afrikaans ጉበት Amharic Figado AN Lifere ANG كبد Arabic ܟܒܕܐ ARC كبد ARZ যকৃৎ Assamese Fégadu AST Oskon ATJ

Leber

D Lääbere vom ene Mensch. Si bestoot us vier Lappe, eme groosse im rächte Oberbuuch (Lobus dexter) under em Zwärchfäll, wo mit däm verwaggse isch, eme chliinere uf dr lingge Site (Lobus sinister), wo bis in dr lingg Oberbuuch chunnt, und zwäi chliine Lappe.
D Lääbere vom ene Schoof

D Lääbere (latiin. iecur, altgriech. ἧπαρ hepar) isch s zentrale Organ vom ganze Stoffwäggsel und die grössti Drüese im Körper vom ene Wirbeldier. Die wichdigste Ufgoobe si d Brodukzioon vo lääbenswichdige Äiwissstoff (z. B. Grünnfaktore), d Verwärtig vo Naarigsbestanddäil (z. B. s Spiichere vo Glykogen und Vitamin), d Gallebrodukzioon und dr Abbau und d Usschäidig vo Stoffwäggselbrodukt, Medikamänt und Giftstoff, wo mit däm zämmehängt. Nährstoff, wo us em Darm ins Bluet ufgnoo wärde, chömme über d Pfortadere (Vena portae) zur Lääbere und wärde denn vo dere je noch Bedarf ans Bluet abgee oder us em Bluet uudegnoo.

Bim Mensch lit d Lääbere im rächte Oberbuuch, diräkt under em Zwärchfäll und iire lingg Lappe chunnt bis in die linggi Helfti vom Oberbuuch.

Developed by StudentB