Back Majapahit Afrikaans ماجاباهيت Arabic امبراطورية ماجاباهيت ARZ Imperiu mayapajit AST Маджапахит Bashkir Majapahit BAN Majapahit BCL Маджапахіт Byelorussian Маджапахит Bulgarian বিল্বতিক্ত (মজপহিৎ) Bengali/Bangla
Majapait (basa Jawa: ꦩꦗꦥꦲꦶꦠ꧀; lapal Jawa: [madʒapaɪt]), atawa bekèn juga Wilwatikta (basa Jawa: ꦮꦶꦭ꧀ꦮꦠꦶꦏ꧀ꦠ; lapal Jawa: [wɪlwatɪkta]), entu atu kerajaan Hindu-Buda Jawa nyang gableg kuasa laot di wilayah Asia Kidul-wètan nyang sintremnya di Pulo Jawa (wayah gini Indonésia). Ni kerajaan ngejegreg sedari 1293 ampé 1527-an èn nyampé dia punya puncak kejayaan pas jamannya Hayam Wuruk, nyang kuasanya sedari 1350 ampé 1389, ditengerin ama pena'lukkan nyang ngamprah ke mana-mana bilangan Asia Kidul-wètan. Dia punya berasil juga' dinisbatin ke dia punya wajiralam, nama Gajah Mada. Nagarakṛtāgama (Deśavarṇana) punya catet nyang diserat tahon 1365, Majapait ngelah 98 negara bawahan nyang bayar belasting ama dia, ngampar deri Sumatra ampé Ginéa Anyar; nglingkup daèrah sekarang Indonésia, Singapur, Malésia, Bruné, Muang-Tay kidul, Timor Wètan, èn Pilipénen belah kidul-wètan (wabilkusus Kepuloan Sulu), bagèn kata Majapait punya lingkup kalangan entu masing didèbatin ama ahli sejarah pada. Hubungan Majapait èn embanan ke negara bawahannya, serènta kewontenannya sebagé atu kekaèsaran entu masing jadi obrolan nyang bikin panas.