Mammuts

Dä Artikel behandlet die usgstorbnigi Elifantegattig Mammut; für anderi Bedütige vo Mammut lueg doo.

Mammut
Mammut
Zitruum
Pliozän bis Holozän
5,7 Mio. Johr bis öbbe 4.000 Johr
Fundort
Nordamerika Öiropa Asie Afrika
Systematik
Chlass: Süüger (Mammalia) Underchlass: Hööcheri Süüger (Eutheria) Überordnig: Afrotheria Ordnig: Rüsseldier (Proboscidea) Familie: Elifante (Elephantidae)
Wüsseschaftlige Name
Mammuthus
Brookes, 1828

D Mammut (wüsseschaftlige Naame Mammuthus (vo frz. mammouth < russ.: mamont < vermuetlig us em Waldnenzische), bilde en usgstorbnigi Gattig vo de Elifante. Si isch in Afrika entstande, wo s Miozän zum Pliozän übergange isch, und het denn Öiropa, Asie und Nordamerika besiidlet. Die letschte Verdräter vo de Mammut, wo zur bekanntiste Art, em Wullehoormammut (M. primigenius) ghööre, si as e Zwärgform erst vor öbbe 4000 Joor uf dr nordsibirische Wrangelinsle usgstorbe.

Im Novämber 2008 isch in dr Fachzitschrift „Nature“ d Genomsekwänz vom Wullehoormammut publiziert worde.^[1] Öbbe 70 Brozänt vo dr Erbinformazion het mä chönne entschlüssle. S Mammutgenom isch s erste Genom vom ene usgstorbnige Dier, wo sekwenziert worde isch.

Niderwenige im zürcherische Wehntal isch die gröschti Mammutfundstell in de Schwiz. Mä het dört syt 1890 mindestens zäh Mammut gfunde. Nach eme Fund 2003 isch 2005 es Mammutmuseum igrichtet worde.

1. ↑ Miller, W. u. a., Nature 456, 387–390 (2008). online