Mazda

Mazda Motor Corporation (マツダ Matsuda) ye un fabricante d'automóviles xaponés, fundada en 1920, con sede principal en Hiroshima, y con plantes nes llocalidaes d'Hiroshima (factoría de Ujina); Nishinoura, Nakanoseki (Hofu); y Miyoshi, Xapón. En 2010, produció 1.307.540 automóviles con ventes en China, Xapón, Europa, América del Sur y América del Norte. El fabricante d'automóviles xaponés llogró un beneficiu d'esplotación de 1.710 millones d'euros, lo que supón una crecedera interañal del 12%. Per tercer añu consecutivu batió'l récor nel que, amás, les ventes de vehículos crecieron percima de lo esperao, hasta asitiase en 1.534.000 unidaes, un 10% más, ente l'añu 2015 - 2016. La facturación total foi de 25.610 millones d'euros. Anguaño, La compañía d'automóviles xaponesa esta avanzando con seguridá per mediu de distintes iniciatives, como la espansión de la so infraestructura de producción internacional, la maximización de la eficiencia de producción o un control reforzáu sobre los costos fixos empobináu a compensar les fluctuaciones nos tipos de cambéu. El desenvolvimientu de la llinia de teunoloxíes SkyActiv, Mazda Connect y Sistema de seguridá i- Activesense sigui siendo un elementu focal central. Al añu 2017, Mazda llogró asitiase como una de les compañíes mas confiables del mundu. El fabricante tien cuenta de siguir capitalizando la so marca, col fin d'abrir nuevos mercaos en países onde ye ausente la compañía.