Misrachi

Misrachi (mizˈʀaχi, hebr. המזרחי HaMizrahi, Akronym für Merkaz Ruhani, d. h. „Religiöses Zentrum“, oder Misrach „Oste“) isch e orthodox-zionistischi Bewegig, wo am 5. März 1902^[1] z Wilna vom Rabbi Isaac Jacob Reines (1839–1915) gründet worde isch.

Nationali Misrachi-Organisatione im dütschsprachige Raum gits z Münche, z Wien und z Züri. Misrachi Wien hät ihre Sitz im Misrachi-Haus uf em Judeplatz. D Bne Akiwa isch d Jugendorganisation vom Misrachi und isch 1929 z Jerusalem gründet worde.

Misrachi sött mä nöd mit Misrachim verwächsle, wo die hebräisch Bezeichnig für orientalischi Jude isch.

1. ↑ Mordecai Naor: Eretz Israel, Könemann, Köln, 1998, ISBN 3-89508-594-4, Site 19