Montaxe

El montaxe audiovisual ye la unión de los distintos cachos de película pa crear una cinta final.^[1] Consiste n'escoyer, ordenar y xunir una seleición de los planos a rexistrar, según una idea y una dinámica determinada, a partir del guión, la idea del direutor y l'apurra del montador. En videu la pallabra equivalente ye edición, asegurase de que cada unu de los detalles necesarios pa una puesta n'escena tean bien.

Yá que de cada escena fáense delles tomes, y qu'esisten miles de tomes distintos nuna película, el montaxe constitúi un trabayosu llabor. Siguiendo la trama del guión, el montador, polo xeneral, tien llibertá pa montar les distintes tomes realizaes d'una escena de la manera qu'envalore más apropiada. Coles mesmes, puede utilizar más o menos metraxe de película de cada toma, y decidir cómo enllazar una escena o secuencia cola siguiente. Por tou ello considérase que'l montaxe ye una de les disciplines fundamentales na realización d'una película.

1. ↑ Konigsberg, 2004, p. 327.