Nariz

Nariz
Vista fronteru de la nariz
Nariz humana, corte sagital
Llatín	[TA]: nasus
TA	A06.1.01.001
Arteria	Esfenopalatina, Palatina mayor
Vena	Facial
Nerviu	Nasal esternu
[editar datos en Wikidata]

La nariz ye una parte saliente de la cara que ta ente la boca y los güeyos y que forma parte del sistema respiratoriu nos vertebraos. Ye'l órganu del olfatu y la entrada al sistema respiratoriu. De conformanza bien diversa puede indicase que consta básicamente de dos bolses, o cuévanos, una nel casu de los ciclóstomos, asitiaes na parte anterior de la cabeza y abiertes al esterior por un númberu de furos que bazcuya ente los dos pares por cuévanu, nel casu de los pexes y unu nos otros vertebraos.^[1]

En tolos vertebraos, salvo los ciclóstomos y los pexes non crosopterigios, los cuévanos nasales comuníquense al traviés del techu de la boca cola farinxe y formen les coanes, lo que dexa que, amás de cumplir la función olfatoria, sirvan como víes respiratories. Nel interior d'estes bolses hai célules olfatorias. Nos páxaros, la nariz ta bien pocu desenvuelta. Nos mamíferos ta bien desenvuelta, sacante nos marinos y nos primates cimeros, y, como nos cocodrilos, esiste un conductu nasofaríngeo que lleva l'aire percima del cielu la boca secundariu hasta la farinxe.^[1]

Nos seres humanos, la nariz ta asitiada centralmente na cara, na mayoría de los otros mamíferos atópase na parte cimera del focicu. La forma de la nariz humana ta determinada pol güesu etmoides y pol tabique nasal.

1. ↑ ^{1,0 1,1} Enciclopedia Catalana, SAU (ed.): «nas». La Enciclopedia. Consultáu'l 12 d'agostu de 2010.