Noord-Europa

Noord-Europa of Noordelike Europa is 'n term wat verwys na die noordelike deel van Europa waarvan die grense op 'n paar verskillende manier gedefinieer kan word. Die Nordiese Lande:

• Denemarke, Finland, Ysland, Noorweë en Swede, sowel as die outonome gebiede Åland, die Faroëreilande, Jan Mayen en Svalbard. Hoewel polities en histories nou geskakel met Noord-Europa, word die Nordiese gebied Groenland geografies eerder as deel van Noord-Amerika gesien.

saam met 'n seleksie van die volgende wat van definisie tot definisie afhang:

• Die Baltiese lande: Estland, Letland en Litaue.
• Die Britse Eilande: Groot-Brittanje, die Kanaaleilande en die Eiland Man (sien ook Wes-Europa).
• Ierland
• Gebiede wat aan die Oossee of Noordsee is of wat daaraan grens, i.e. Noordwestelike Rusland (insluitend Kaliningrad), Nederland, België, Luxemburg, die noordelike dele van Pole, Duitsland en Frankryk (Nord-Pas-de-Calais).
• Soms word Ingria, Karelië en die Kola-skiereiland ook ingesluit (sien ook Oos-Europa).

Die Verenigde Nasies definieer Noord-Europa as:^[1][2]

•  Åland (Finland)
•  Denemarke
•  Estland
•  Faroëreilande (Denemark)
•  Finland
•  Ierland
• Kanaaleilande:  Guernsey en  Jersey
•  Letland
•  Litaue
•  Man (eiland)
•  Noorweë
• Svalbard en Jan Mayen (Noorweë)
•  Swede
•  Verenigde Koninkryk
•  Ysland

Voor die 19de eeu is die terme "Nordies" of "Noordelik" algemeen gebruik om Noord-Europa te bedoel in 'n sin wat die Nordiese lande Europese Rusland, die Baltiese lande (op daardie stadium Lyfland en Koerland) en Groenland ingesluit het.

Selfs vroeër toe Europa deur die Middellandse Seegebied oorheers is (i.e. die Romeinse Ryk), is alles wat nie naby die See was nie as Noord-Europa gesien, insluitend Duitsland, die Lae Lande en Oostenryk. Hierdie betekenis word vandag not in sekere omstandighede gebruik soos wanneer daar van die Noordelike Renaissance gepraat word.

Noord-Europa:
Land	Oppervlak (km²)	Bevolking (2008 est.)	Bevolkingsdigtheid (per km²)	Hoofstad
Åland (Finland)	1 552	26 008	16,8	Mariehamn
Denemarke	43 094	5 470 919	124,6	Kopenhagen
Estland	45 226	1 342 409	31,3	Tallinn
Faroëreilande (Denemarke)	1 399	48 500	32,9	Tórshavn
Finland	336 593	5 301 992	15,3	Helsinki
Guernsey	78	65 573	828,0	Saint Peter Port
Ierland	70 280	4 339 000	60,3	Dublin
Jersey	116	95 871	773,9	Saint Helier
Letland	64 589	2 366 515	36,6	Riga
Litaue	65 200	3 601 138	55,2	Vilnius
Man (eiland)	572	80 058	129,1	Douglas
Noorweë	324 220	4 525 116	14,0	Oslo
Svalbard en Jan Mayen (Noorweë)	62 049	2 868	0,046	Longyearbyen
Swede	449 964	9 142 817	19,7	Stockholm
Verenigde Koninkryk	244 820	66 100 835	244,2	Londen
Ysland	103 000	313 376	3,1	Reykjavik

1. ↑ http://unstats.un.org/unsd/methods/m49/m49regin.htm#europe
2. ↑ "argiefkopie". Geargiveer vanaf die oorspronklike op 20 April 2010. Besoek op 24 Maart 2008.