Back Odesa Afrikaans ኦዴሣ Amharic Odessa AN Odessos ANG أوديسا Arabic اوديسا ARZ Odesa AST Odesa AVK Odessa Azerbaijani اودسا (اوکراین) AZB
| Odessa | |||
| (Одеса / Одесса) | |||
|
| ||
| Basisdaten | |||
|---|---|---|---|
| Oblast: | Oblast Odessa | ||
| Rajon: | Rajon Odessa | ||
| Höhe: | 40 m | ||
| Fläche: | 163,0 km² | ||
| Einwohner: | 1.013.159 (2019[1]) | ||
| Bevölkerungsdichte: | 6.216 Iiwohner je km² | ||
| Postleitzahlen: | 65000 – 65480 | ||
| Vorwahl: | +380 48 | ||
| Geografischi Lag: | 46° 29′ N, 30° 44′ O | ||
| KOATUU: | 5110100000 | ||
| Verwaltigsgliderig: | 4 Stadtrajona | ||
| Bürgermeister: | Hennadij Truchanow | ||
| Adresse: | Думська Площа 1 65004 м. Одеса | ||
| Website: | https://omr.gov.ua | ||
| Statistischi Informatione | |||
| Dialäkt: Mìlhüüserdiitsch |
Odessa ([oˈdɛsa], ukràinisch Одеса [ɔˈdɛsɐ] ; rüssisch Одесса [ɐˈdʲesə]) ìsch a Millioonaschtàdt àm Schwàrza Meer un s’ àdminischtràtiiwa Zäntrum vu dr Oblast Odessa ìn dr Ukràina. Mìt knàpp ìwwer ainem Millioon Iiwoohner (Schtànd: 2019) ìsch sa d’ bediitendschta Hààfaschtàdt un d’ drìttbeväälkerungsriichschta Schtàdt ìm Lànd.
Ìn dr Àntika-n-ìsch àn dara Schtälla-n-a grossa griachischa Siidlung gsìì. Schpeeter ìsch doo a slààwischa Hààfasiidlung gsìì, wo Kotsjubijiw ghaissa hàt un wo zem Groossfìrschtatumm Litàuia gheert hàt. Ärwäähnt worra-n-ìsch sa zem äärschta Mol ànna 1415, wu-n-a Schìff üss Konschtantinopel ààkumma-n-ìsch. Ànna 1529 ìsch d’ Siidlung Hacibey unter osmànischa Kontrolla kumma. D’ Osmàna sìnn doo blììwa, bis àss s’ Raich ìm Joohr 1792 dr Kriag geega Rüsslànd verloora hàt.
D’ hìttiga Schtàdt Odessa-n-ìsch ànna 1794 dur a Verordnung vu dr rüssischa Kaiserin Kàtharina dr Groossa grìnda worra. Vu 1819 bis 1958 ìsch Odessa-n-a fräija Hààfaschtàdt — àlso a Zollafräigebiat — gsìì. Ìn dr sowjetischa-n-Ära ìsch sa a bediitenda Hàndelshààfa un Màrinaschtìtzpunkt gsìì.
Ìm 19. Joohrhundert ìsch Odessa d’ viartgreeschta Schtàdt ìm Rüssischa Kaiserraich gsìì — noh Moschkàui, Sànkt Petersburi un Wàrschàui. Ìhra hischtoorischa-n-Àrkitäcktüür ìsch ender süüdlandisch àls rüssisch; sa ìsch vum frànzeescha un itàlianischa Schtihl beiiflusst. Ainiga Gebäijer sìnn a Mìschung üss verschììdena Schtihl, drunter Jugendschtil, Rönaissans un Klàssizìschmus.
Odessa-n-ìsch a Wàrmwàsserhààfa. Ìn dr Schtàdt sìnn aigentlig zwai Hààfa: dr Hààfa-n-Odessa un dr Piwdennyj-Hààfa, wo-n-a wìchtig Eelterminààl ìm Vorort ìsch. Dr Hààfa Tschornomorsk lììgt ìm Oblast Odessa, süüdäschtlig vu dr Schtàdt. Dia Hààfa sìnn mìt mehrera Iisabàhnlinia verbunda. D’ Eelveràrwaitungsschtätta vun Odessa sìnn dur Eellaitunga mìt’m rüssischa un àndra öiropäischa Nätzwärker verbunda. Ànna 2000 ìsch dr Schpärrdàmm vum Hààfa-n-Odessa fìr 25 Joohra-n-àls Zollafräigebiat ärkläärt worra.
- ↑ Beväälkerungszààhla. In: pop-stat.mashke.org. 2019, abgruefen am 20. Oktober 2019.