Oniontree er ein føroyskur tónleikabólkur úr Tórshavn, sum spælir punk, rokk og alternativan tónleik. Limirnir eru fýra ungir havnarmenn og argjamenn: Sigmund Jørgensen, sang og guitar, Fríði Tanggaard Bjørgvin, guitar og sang, Jan Mýrá, bass og Magnus Ovason spælir trummur. Oniontree hevur spælt á føroyskum tónleikafestivalum og kring alt landið á spælistøðum o.s.fr. Oniontree hevur eisini spælt í Danmark, m.a. hitaðu teir upp fyri enska bólkin Yashin á The Rock. Eisini hevur bólkurin spælt við føroyska bólkinum The Dreams á Vega í Keypmannahavn.