Oosseevloot

Oosseevloot
Gestig	18 Mei 1703
Land	Russiese Ryk (1703–1917)  Sowjetunie (1917–1991)  Rusland (1991–hede)
Onderdeel van	Russiese Vloot
Tipe	Vloot
Logo
Spesialisasie	Mariene oorlogvoering Amfibiese oorlogvoering
Hoofkwartier	Kaliningrad, Baltiisk, Kronstadt
Aantal lede	56 slagskepe 2 duikbote
Veldslae	Groot Nordiese Oorlog Krimoorlog Eerste Wêreldoorlog Tweede Wêreldoorlog

Die Oosseevloot of Baltiese Vloot (Russies: Балтийский флот, Baltijiski flot) van Rusland se hoofkwartier is in Kaliningrad. Die vloot het ’n lang geskiedenis as deel van die Sowjetvloot en is nou deel van die Russiese Vloot.

Die ondergang van die Sowjetunie het die Oosseevloot van sleutelbasisse in Letland, Litaue en Estland ontneem en Kaliningrad-oblast is nou die vloot se enigste ysvrye basis in die Oossee. Verder word Kaliningrad deur Pole en Litaue van die res van Rusland afgesny.

Toe Rusland daarop aandring om Kaliningrad as ’n swaar gewapende garnisoen te behou, het dit aansienlike internasionale kritiek ontlok, veral van Pole. Königsberg is in 1945 as deel van die Potsdam-ooreenkoms aan die Sowjetunie toegeken, maar die Russiese Federasie het geen wettige titelregte tot die enklawe nie.

Gewapende magte wat net so groot is soos die hele Poolse Weermag is in die Kaliningrad-oblast gestasioneer.

Toe Rusland tussen 1992 en 1994 al sy voormalige Warskouverdrag-magte uit Pole en die Baltiese lande onttrek het, is sommige lug-, vloot- en landmagte na Kaliningrad verskuif, oënskynlik omdat daar behuisingstekorte elders in Rusland was.

Ontwikkelings in Rusland se federale regeringstelsel het in die afgelope paar jaar daartoe gelei dat sommige gebiede in Rusland aansienlike outonomiteit verkry het, veral Kaliningrad, waar die vrye ekonomiese gebied Jantar opgerig is.

Die ander groot basis van die Oosseevloot is by Kronstadt, ’n satellietdorp van Sint Petersburg. Dit is geleë op die Kotlin-eiland in die Golf van Finland, sowat 29 km noordwes van Sint Petersburg.

In 1996 het die vloot 9 duikbote, 23 oppervlak-vegskepe, 3 kruisers, 2 torpedojaers, 18 fregatte en ongeveer 65 kleiner vaartuie gehad. In die middel van 2000 was daar sowat 100 verskillende tipes gevegskepe, terwyl sy maritieme lugvaartgroepeenhede toegerus was met 112 vliegtuie.

In 1904 is die vloot na die Stille Oseaan gestuur om in die Russies-Japannese Oorlog van 1904–1905 te veg en in 1905 is dit tydens die Slag van Tsushima vernietig. Die geskiedkundige slag het die Russiese mag in Oos-Asië ’n ernstige knou toegedien.

In 1936 het ’n deel van die Oosseevloot die Noordelike Seeroete na die Stille Oseaan onderneem waar ’n gewapende konflik met Japan gedreig het.

Admiraals van die Vloot:

• Zinowi Petrowitsj Rozjdestwenski

Skepe en duikbote benoem tot die vloot:

• Sowjetduikboot M-256, ’n Projek 615-kortafstand-aanvalsduikboot (diesel) van die Sowjetvloot.